നെടുമ്പാശ്ശേരി: കുന്നുകര പഞ്ചായത്തിലെ ജൂനിയര് ബേസിക് എല്പി സ്കൂളിന്റെ പുതിയ കെട്ടിടം വി.കെ. ഇബ്രാഹിം കുഞ്ഞ് എം എല് എ നിര്വഹിച്ചു. സംസ്ഥാന സര്ക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 2.6 കോടി രൂപ ചെലവഴിച്ചാണ് കെട്ടിടം നിര്മ്മിച്ചത്. 14 ക്ലാസ് മുറികള് ഉള്പ്പടെ മൂന്ന് നിലകളിലാണ് കെട്ടിടത്തിന്റെ നിര്മ്മാണം. ഓരോ നിലകളിലും പ്രത്യേക ശൗചാലയ സൗകര്യങ്ങളും കെട്ടിടത്തിലുണ്ട്. 116 വര്ഷം പഴക്കമുള്ള എല് .പി .സ്കൂളില് അഞ്ഞൂറിനടുത്ത് വിദ്യാര്ത്ഥികള് പഠിക്കുന്നുണ്ട്. പുതിയ കെട്ടിടം തുറന്നുകൊടുക്കുന്നതോടെ സ്കൂള് ഹൈടെക് ആകും. കുന്നുകര പഞ്ചായത്ത് പ്രസിഡന്റ് ഫ്രാന്സിസ് തറയില് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ബിന്ദു സെബാസ്റ്റ്യന്, ഹെഡ് മിസ്ട്രസ് കെ.വി.സുരജ എന്നിവര് പ്രസംഗിച്ചു.
