പെരുമ്പാവൂര് : പെരുമ്പാവൂര് ഗവണ്മെന്റ് പോളിടെക്നിക് കോളേജില് 9.8 കോടി രൂപ വിനിയോഗിച്ച് അഡ്മിസ്നിസ്ട്രേറ്റീവ് ബ്ലോക്കിന്റെയും ഓഡിറ്റോറിയത്തിന്റെയും നിര്മാണം പൂര്ത്തിയായികൊണ്ടിരിക്കുന്നു. കിഫ്ബി ഫണ്ട് ഉപയോഗിച്ചാണ് നിര്മാണം. 6 കോടി രൂപയുടെ ഇലക്ട്രോണിക്സ് ബ്ലോക്കിന് ഭരണാനുമതി ലഭ്യമായിട്ടുണ്ടെന്നും ഇതോടെ കോളേജ് അന്താരാഷ്ട്ര നിലവാരത്തിലേക്ക് എത്താന് സാധിക്കുമെന്ന് എല്ദോസ് കുന്നപ്പള്ളി എംഎല്എ അറിയിച്ചു. കോളേജ് അന്താരാഷ്ട്ര നിലവാരത്തിലേക്ക് മാറുന്നതിനുള്ള NBA അക്രിഡിക്കേഷന് നടപടികളുടെ അവസാനഘട്ടത്തില് കോളേജിലെ പ്രവര്ത്തന മേന്മ ഉറപ്പുവരുത്തുന്ന കമ്മറ്റിയുടെ യോഗത്തോട് അനുബന്ധിച്ച് സന്ദര്ശനം എല്ദോസ് കുന്നപ്പള്ളി എംഎല്എ നടത്തി
കഴിഞ്ഞ 5 പതിറ്റാണ്ടുകളായി ഗുണമേന്മയുള്ള നൈപുണ്യ വിദ്യാഭ്യാസം നല്കുന്ന ഒരു സാങ്കേതിക സ്ഥാപനമെന്ന നിലയില് സമൂഹത്തെ സേവിക്കുന്നതില് പെരുമ്പാവൂരിലെ ഗവണ്മെന്റ് പോളിടെക്നിക് കോളേജ് എന്നും മുന്പന്തിയിലാണ്. ഭൂരിഭാഗം പൂര്വ്വ വിദ്യാര്ത്ഥികളും കേന്ദ്ര, സംസ്ഥാന, പൊതുമേഖലാ സ്ഥാപനങ്ങളുടെ സാങ്കേതിക വകുപ്പുകളില് പ്രധാന പങ്ക് വഹിക്കുന്നതിനാല് ഈ സ്ഥാപനം പ്രദേശത്തിന്റെ വികസനത്തിന് വളരെയധികം സംഭാവന നല്കി. സംസ്ഥാനത്ത് പ്ലൈവുഡ് വ്യവസായത്തിന്റെ കേന്ദ്രമായി പെരുമ്പാവൂര് സ്ഥാപിക്കുന്നതിന് ഈ സ്ഥാപനം വളരെയധികം സംഭാവന നല്കിയിട്ടുണ്ട്. 1959-ല് ജൂനിയര് ടെക്നിക്കല് സ്കൂളായി സ്ഥാപിതമായി, പിന്നീട് 1994-ല് ഗവ. കേരള സര്ക്കാരിന്റെ സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്നിക് കോളേജ്, ന്യൂഡല്ഹിയിലെ ഓള് ഇന്ത്യ കൗണ്സില് ഫോര് ടെക്നിക്കല് എജ്യുക്കേഷന്റെ (AICTE) അംഗീകാരമുള്ളതാണ്.
എറണാകുളം ജില്ലയുടെ മധ്യഭാഗത്ത് കൂവപ്പടി പഞ്ചായത്തിലെ പച്ചപ്പിന്റെ ഇടയില് 6.93 ഏക്കര് വിസ്തൃതിയുള്ള വിശാലമായ കാമ്പസിലാണ് രണ്ട് ലക്ഷം ചതുരശ്ര അടി വിസ്തീര്ണ്ണമുള്ള ഈ കോളേജ് സ്ഥിതി ചെയ്യുന്നത്. വ്യാവസായിക, വിനോദസഞ്ചാര മേഖലകള്ക്ക് നടുവില് സ്ഥിതി ചെയ്യുന്ന ഈ കോളേജ് വിദ്യാര്ത്ഥികള്ക്ക് സുഖപ്രദമായ അന്തരീക്ഷം പ്രദാനം ചെയ്യുന്നു, ഒപ്പം നന്നായി ബന്ധപ്പെട്ടിരിക്കുന്നു. അടിസ്ഥാന സൗകര്യങ്ങള് തുടര്ച്ചയായി നവീകരിക്കുകയാണ്.
പെരുമ്പാവൂര് ഗവണ്മെന്റ് പോളിടെക്നിക്കിന്റെ IQAC യോഗം നവംബര് 18 തീയതി നടന്നു. കോളേജ് അന്താരാഷ്ട്ര നിലവാരത്തിലേക്ക് മാറുന്നതിനുള്ള NBA അക്രിഡിക്കേഷന് നടപടികളുടെ അവസാനഘട്ടത്തില് കോളേജിലെ പ്രവര്ത്തന മേന്മ ഉറപ്പുവരുത്തുന്ന കമ്മറ്റിയുടെ യോഗമാണ് നടന്നത്. പോളിംഗ് പ്രിന്സിപ്പല് ഡോക്ടര് ഐജു തോമസ് അധ്യക്ഷനായ യോഗത്തില് സ്റ്റാഫ് അഡൈ്വസര് ബിജു പീറ്റര് സ്വാഗതം പറഞ്ഞു, യോഗം എല്ദോസ് കുന്നപ്പിള്ളി എംഎല്എ ഉദ്ഘാടനം ചെയ്തു.
കോളേജിന്റെ മുന്നോട്ടുള്ള പ്രവര്ത്തനങ്ങളില് അധ്യാപകരോടൊപ്പം വിദ്യാര്ഥികളുടെയും സഹകരണം വളരെ വലുതാണെന്നും MLA വിലയിരുത്തി. എംഎല്എയുടെ വികസന ഫണ്ടില്നിന്നും ഇതില് 50 ലാപ്ടോപ്പുകള്ക്ക് പുറമേ അടുത്തവര്ഷം നൂറോളം ലാപ്ടോപ്പുകള് കൂടി വിതരണം ചെയ്യാം എന്നും എല്ദോസ് കുന്നപ്പിള്ളി എംഎല്എ ഉറപ്പുനല്കി. കൂടാതെ പെരുമ്പാവൂര് ഗവണ്മെന്റ് പോളിടെക്നിക്കില് വച്ച് ASAP ന്റെ സഹകരണത്തോടെ കമ്പസ് പ്ലേസ് മെന്റ് അടുത്ത വര്ഷം ആദ്യം നടത്താമെന്നും അറിയിച്ചു. മെറിബോയ് ഐസ്ക്രീം കമ്പനി ഡയറക്ടര് എം ഇ വര്ഗീസ് ഇന്ഡസ്ട്രിക്കും കോളേജില് തമ്മിലുള്ളബന്ധം കൂട്ടേണ്ട ആവശ്യകത അറിയിച്ചു.