മൂവാറ്റുപുഴ: ഈസ്റ്റ് മാറാടി സര്ക്കാര് വൊക്കേഷണല് ഹയര് സെക്കന്ററി സ്കൂളിലെ നാഷണല് സര്വ്വീസ് സ്കീം യൂണിറ്റിന്റെയും മറ്റു ക്ലബുകളുടെയും സംയുക്താഭിമുഖ്യത്തില് അന്തര്ദേശീയ നീതിന്യായ ദിനം ആചരിച്ചു. ഇന്ന് വരെ കോടതിയെയും ജഡ്ജിയെയും നേരിട്ട് കാണാത്ത വിദ്യാര്ത്ഥികളെ കോടതി നടത്തിപ്പ് കാണുവാന് വിദ്യാര്ത്ഥികളെ ക്ഷണിച്ചിട്ടാണ് ഉത്ഘാടകനായ മൂവാറ്റുപുഴ സബ് ജഡ്ജ് എം.ആര് ശശി സ്കൂളില് നിന്ന് മടങ്ങിയത്.
യോഗത്തില് സ്കൂള് പി.ടി.എ പ്രസിഡന്റ് അനില്കുമാര് പി.ടി അധ്യക്ഷത വഹിച്ചു. റെഡ്ക്രോസ് താലൂക്ക് കമ്മിറ്റി ചെയര്മാന് ജിമ്മി ജോസ്.മുഖ്യ അതിഥിയായിരുന്നു. സ്കൂള് പ്രിന്സിപ്പാള് റോണി മാത്യു, ഹെഡ്മാസ്റ്റര് കെ.സജികുമാര്, സീനിയര് അസിസ്റ്റന്റ് ശോഭന എം.എം, പ്രോഗ്രാം ഓഫീസര് സമീര് സിദ്ദീഖി.പി, ഷീബ എം.ഐ, പ്രീന എന് ജോസഫ്, അരുണ് കുമാര്, ഡോ.അബിത രാമചന്ദ്രന്, പൗലോസ് റ്റി, വിനോദ് ഇ.ആര്, രതീഷ് വിജയന്, ഷീന നൗഫല്, കൃഷ്ണജ, ഗിരിജ എം.പി തുടങ്ങിയവര് സംസാരിച്ചു.
