രാമമംഗലം: സംസ്ഥാന സര്ക്കാര് സാമൂഹ്യനീതി വകുപ്പിന്റെ സഹചാരി അവാര്ഡ് രാമമംഗലം ഹൈസ്കൂളിലെ സ്റ്റുഡന്റ് പോലീസ് കേഡറ്റ് പദ്ധതിക്ക് ലഭിച്ചു. ഭിന്നശേഷിക്കാരായ കുട്ടികളുടെ ഉന്നമനത്തിനായുള്ള പ്രവര്ത്തനങ്ങള്ക്ക് നല്കുന്ന ജില്ലാതല അവാര്ഡാണിത്.
അന്താരാഷ്ട്ര ഭിന്ന ശേഷി ദിനാഘോഷങ്ങളുടെ ഭാഗമായി തൃക്കാക്കര പ്രിയദര്ശനി ഹാളില് കളക്ടര് ജാഫിര് മാലിക്കിന്റെ അധ്യക്ഷതയില് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് ഉത്ഘാടനം ചെയ്തു. പ്രശസ്ത സിനിമ നിര്മാതാവ് എന്.എം ബാദുഷ അവാര്ഡ് വിതരണം ചെയ്തു.
രാമമംഗലം ഹൈസ്കൂളിലെ എസ്പിസി യൂണിറ്റിന്റെ കഴിഞ്ഞ ഒരുവര്ഷത്തെ പ്രവര്ത്തനങ്ങളാണ് അവാര്ഡിന് അര്ഹമാക്കിയത്. ഭിന്നശേഷിക്കാരായ കുട്ടികളുടെ വീടുകളില് സന്ദര്ശനം, വീടുകളിലെത്തി പഠനത്തില് സഹായിക്കാന് വിവിധ പരിപാടികള്, നോട്ട് ബുക്ക് വിതരണം,ഓണക്കോടി വിതരണം,എസ് വി സി കേഡറ്റ് കളുടെ നേതൃത്വത്തില് മെന്റെറിങ്, പഠനോപകരണങ്ങള്, ഭക്ഷ്യധാന്യക്കിറ്റുകള്, ചികിത്സാ സഹായം, എന്നിവ ലഭ്യമാക്കല് തുടങ്ങിയവ എസ്.പി.സി നിര്വഹിച്ചിരുന്നു. 10000 രൂപയും പ്രശസ്തി ഫലകവും അടങ്ങുന്നതാണ് പുരസ്കാരം..
രാമമംഗലം ഹൈസ്കൂള് ഹെഡ്മാസ്റ്റര് മണി പി കൃഷ്ണന്,കമ്മ്യൂണിറ്റി പോലീസ് ഓഫീസര് മാരായ അനൂബ് ജോണ്, സ്മിത കെ.വിജയന്, ഡി.ഐമാരായ അഖില് പി എം,ശാന്തി എ.എം, എസ് പി സി കേഡറ്റ്കള് എന്നിവര് ചടങ്ങില് പങ്കെടുത്തു.