സര്‍വകലാശാലകള്‍ക്ക് ഒന്നും രണ്ടും വര്‍ഷ ബിരുദ പരീക്ഷകള്‍ നടത്താന്‍ തടസമില്ലെന്ന് സുപ്രിംകോടതി. സര്‍വകലാശാലകള്‍ തീരുമാനിച്ചാല്‍ പരീക്ഷ നടത്താന്‍ കഴിയും. യുജിസി മാര്‍ഗനിര്‍ദേശത്തില്‍ സര്‍വകലാശാലകള്‍ക്ക് വിവേചനാധികാരം നല്‍കിയിട്ടുണ്ട്.
കൊവിഡ് സാഹചര്യത്തില്‍ ഒന്നും, രണ്ടും വര്‍ഷ പരീക്ഷകള്‍ നടത്തരുതെന്ന ഹര്‍ജികള്‍ തള്ളിക്കൊണ്ടാണ് നിലപാട് വ്യക്തമാക്കിയത്. നേരത്തെ സര്‍വകലാശാലകളിലെയും, ഉന്നത വിദ്യാഭ്യാസ സ്ഥാപനങ്ങളിലെയും അവസാനവര്‍ഷ പരീക്ഷ നടത്താന്‍ കോടതി അനുമതി നല്‍കിയിരുന്നു.
