മൂവാറ്റുപുഴ: എറണാകുളം റവന്യൂ ജില്ല ശാസ്ത്രോത്സവം മൂവാറ്റുപുഴയിൽ ബുധനാഴ്ച്ച സജീവമാകുമ്പോൾ പങ്കെടുക്കുന്നവർക്കുള്ള ഭക്ഷണമൊരുക്കാൻ അടുക്കളയും കലവറയും തയ്യാർ. സദ്യയൊരുക്കാൻ പഴയിടം മോഹനൻ നമ്പൂതിരിയുടെ നേതൃത്വത്തിൽ രണ്ട് വനിതയുൾപ്പെടെ 18 അംഗ പാചകക്കാരാണ് എത്തിയിട്ടുള്ളത്. രണ്ട് ദിവസം അയ്യായിരം പേർക്കാണ് ഭക്ഷണം തയ്യാറാക്കുന്നത്. മൂവാറ്റുപുഴ നിർമ്മല എച്ച്എസ്എസിലാണ് അടുക്കള. നഗരത്തിലെ ആറ് സ്ക്കൂളുകളിലെ വേദികളിൽ പങ്കെടുക്കുന്നവർക്ക് ഭക്ഷണമെത്തിയ്ക്കാനും വിളമ്പാനും അധ്യാപക സംഘടനയായ കെഎസ്ടിഎ യുടെ നേതൃത്വത്തിലാണ് ഭക്ഷണകമ്മിറ്റി പ്രവർത്തിയ്ക്കുന്നത്.ഇതിനായി നൂറ് പേർ പ്രവർത്തനങ്ങൾക്കുണ്ടാകും. ആവശ്യമായ താൽ പകുതിയോളം ഭക്ഷ്യധാന്യങ്ങൾ സ്ക്കൂളുകളിലെ കുട്ടികളിൽ നിന്ന് ഉല്പന്നങ്ങളായി ഭക്ഷണ കമ്മിറ്റി ശേഖരിച്ചു.