കോട്ടയം ജില്ലയിലെ കൂട്ടിക്കല് പ്ലാപ്പള്ളി ഭാഗത്തുണ്ടായ ഉരുള് പൊട്ടലില് കാണാതായ 3 പേരുടെ മൃതദേഹം കണ്ടെത്തിയെന്ന് പഞ്ചായത്ത് പ്രസിഡന്റ് പറഞ്ഞു. മറ്റുള്ളവര്ക്കായി തെരച്ചില് തുടരുകയാണെന്നും അദ്ദേഹം പറഞ്ഞു. 12 പേരെ കാണാതായി എന്നാണ് വിവരം.
ഉരുള്പൊട്ടല്ലില് 3 വീടുകള് ഒലിച്ചു പോയി. പുലര്ച്ചെ മുതല് പെയ്യുന്ന ശക്തമായ മഴയെത്തുടര്ന്നാണ് ഉരുള് പൊട്ടലുണ്ടായത്. പൂഞ്ഞാര് തെക്കേക്കരയിലും മുണ്ടക്കയത്തുമൊക്കെ ഉരുള്പൊട്ടല് ഉണ്ടായെങ്കിലും അത് തീവ്രത കുറഞ്ഞവ ആയിരുന്നു. എന്നാല്, കൂട്ടിക്കലില് ഉണ്ടായത് ശക്തമായ ഉരുള്പൊട്ടലാണ്.
വിവിധയിടങ്ങളില് ഉരുള്പൊട്ടലുണ്ടായി മീനച്ചിലാറ്റിലേക്കും മണിമലയാറ്റിലേക്കും വെള്ളം ഇരച്ചെത്തിയാണ് ജില്ലയില് വെള്ളപ്പൊക്കമുണ്ടായത്. വെള്ളപ്പൊക്കത്തില് വീടുകളില് വെള്ളം കയറുകയും വാഹനങ്ങളും കോഴി ഫാമുകളും അടക്കമുള്ളവ ഒഴികിപ്പോവുകയും ചെയ്തു.
