മുവാറ്റുപുഴ: പൊതുപ്രവര്‍ത്തകനും മുന്‍കാല സര്‍വീസ് സംഘടനാ നേതാവുമായ പി.എസ്.എ. ലത്തീഫിന്റെ പുതിയ കവിതാസമാഹാരമായ രാപ്പാടി ജന്മങ്ങള്‍ പ്രകാശനം ചെയ്യുന്നു. ശനിയാഴ്ച വൈകീട്ട് 4.00 ന് നിര്‍മല എച്ച്.എസ്.എസ്. ഓഡിറ്റോറിയത്തില്‍ കവിയും മുന്‍ ചീഫ്‌സെക്രട്ടറിയുമായ ഡോ.വി.പി.ജോയിയില്‍ നിന്ന് കോട്ടയം ബസേലിയോസ് കോളജ് മലയാളം വിഭാഗത്തിലെ ഡോ.സെല്‍വി സേവ്യര്‍ ആദ്യപ്രതി സ്വീകരിക്കും.
സിറ്റിസണ്‍സ് ഡയസിന്റെ ആഭിമുഖ്യത്തില്‍ സംഘടിപ്പിക്കുന്ന പരിപാടിയില്‍പ്രമുഖ ഗാന്ധിചിന്തകന്‍ പ്രൊഫ.എം പി.മത്തായി അദ്ധ്യക്ഷനാവും.എഴുത്തുകാരനും പ്രഭാഷക നുമായ ഡോ.ടി.എസ്.ജോയി, ഫാദര്‍ ആന്റണി പുത്തന്‍കുളം, ജോളികളത്തില്‍, അഡ്വ.എന്‍.രമേശ്, അസീസ് പാണ്ടിയാരപ്പിള്ളി, പി.എസ്.എ.ലത്തീഫ് എന്നിവര്‍ സംസാരിക്കും. നവചേതന, ദീപ്തി രാജേഷ്, ഉത്തര ജയന്‍ എന്നിവര്‍ ‘രാപ്പാടി’യിലെ കവിതകള്‍ ആലപിക്കും.
