കൊല്ലം കൊട്ടാരക്കരയില് അഭിഭാഷകന് വെടിയേറ്റു. ഇന്നലെ രാത്രി 11 മണിയോടെ ആണ് സംഭവം. പരിക്കേറ്റ അഭിഭാഷകന് മുകേഷിനെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.
മഹേഷിന്റെ സുഹൃത്തായ പ്രൈം ബേബി അലക്സാണ് വെടിയുതിര്ത്തത്. മുന്വൈരാഗ്യമാണ് ആക്രമണത്തിന് പിന്നിലെന്ന് പൊലീസ് പറഞ്ഞു.
വലത് തോളിന് വെടിയേറ്റ മഹേഷിനെ തിരുവനന്തപുരം മെഡിക്കല് കോളജില് പ്രവേശിപ്പിച്ചു. എയര് ഗണ് ഉപയോഗിച്ചാണ് പ്രതി അഭിഭാഷകനെ വെടിവച്ചത്. പ്രതിയെ പൊലീസ് കസ്റ്റഡിയിലെടുത്തു.
പ്രൈം അലക്സ് സമാന രീതിയില് ഉളള കേസുകളില് ഉള്പ്പെട്ടിട്ടുള്ള ആളാണ്. ക്രിമിനല് കേസുകളും ഇയാള്ക്കെതിരെ ഉണ്ട്. മുകേഷിന്റെ മൊഴി എടുത്ത ശേഷം കൂടുതല് നടപടികള് സ്വീകരിക്കാനാണ് പൊലീസ് തീരുമാനം.