പോക്സോ കേസില് മോന്സന് മാവുങ്കലിന് കുരുക്ക് മുറുക്കി ക്രൈംബ്രാഞ്ച്. മോന്സന്റെ അറസ്റ്റ് ഇന്ന് രേഖപ്പെടുത്തും. മോന്സന്റെ മാനേജര് ആയിരുന്ന ജിഷ്ണുവിനെ സാക്ഷിയാക്കാനാണ് നീക്കം.
പീഡനത്തിനിരയായ പെണ്കുട്ടിയുടെ പരാതിയില് രജിസ്റ്റര് ചെയ്ത കേസില് മോന്സണാണ് ഒന്നാം പ്രതി. മുന് മാനേജര് ജിഷ്ണുവിനെ വിശദമായി ചോദ്യം ചെയ്ത ക്രൈംബ്രാഞ്ച് സംഘം കൂടുതല് തെളിവുകള് ശേഖരിച്ചിട്ടുണ്ട്. മറ്റ് പെണ്കുട്ടികളെയും സമാന രീതിയില് മോന്സന് ഉപയോഗിച്ചിരുന്നതായി ജിഷ്ണു ക്രൈംബ്രാഞ്ചിന് മൊഴി നല്കി.
കേസില് ജിഷ്ണുവിനെ സാക്ഷിയാക്കാനാണ് ക്രൈംബ്രാഞ്ചിന്റെ തീരുമാനം. മേക്കപ്പ് മാന് ജോഷിയെ ഇന്നലെ അറസ്റ്റ് ചെയ്തിരുന്നു. പോക്സോ കേസില് ഇന്ന് മോന്സന്റെ അറസ്റ്റ് ഇന്ന് രേഖപ്പെടുത്തും. ഉടന് കസ്റ്റഡിയില് വാങ്ങാനാണ് ക്രൈംബ്രാഞ്ച് നീക്കം.
അതേ സമയം പുരാവസ്തു തട്ടിപ്പ് കേസില് മോന്സണ് മാവുങ്കലുമായുള്ള പണമിടപാടില് അനിത പുല്ലയിലിനെ ക്രൈംബ്രാഞ്ച് വീണ്ടും ചോദ്യം ചെയ്തേക്കും. മോന്സന്റെ മാനേജര് ആയിരുന്ന നിധി കുര്യനെയും വീണ്ടും ചോദ്യം ചെയ്യും.
