നടിയെ ആക്രമിച്ച കേസില് പി.സി ജോര്ജിന്റെ മകന് ഷോണ് ജോര്ജിനും പങ്കുണ്ടെന്ന് കണ്ടെത്തല്. കേസില് വ്യാജ സ്ക്രീന് ഷോട്ടുകള് ഉണ്ടാക്കി അന്വേഷണത്തിന്റെ വഴിതെറ്റിച്ചു എന്ന കേസുമായി ബന്ധപെട്ടാണ് റെയ്ഡ്. വ്യാജ സ്ക്രീന്ഷോട്ടുകള് പുറത്തു വിട്ടത് ഷോണ് ജോര്ജ് എന്നാണ് അന്വേഷണ സംഘത്തിന്റെ കണ്ടെത്തല്.
ഇന്ന് രാവിലെ എട്ടരയോടെയാണ് പുഞ്ഞാറിലെ പി.സി ജോര്ജിന്റെ കുടുംബ വീട്ടില് പരിശോധനയ്ക്ക് ക്രൈംബ്രാഞ്ച് സംഘം എത്തിയത്. കോട്ടയം ക്രൈംബ്രാഞ്ച് എസ്പി അമ്മിണിക്കുട്ടന് തൃശ്ശൂര് ക്രൈംബ്രാഞ്ച് എസ്പി ഉല്ലാസ് എന്നിവരുടെ നേതൃത്വത്തിലാണ് റെയ്ഡ്. വ്യാജ സ്ക്രീന്ഷോട്ട് നിര്മ്മിച്ച ഫോണ് കണ്ടെത്താനുള്ള ശ്രമമാണ് ഇപ്പോള് നടക്കുന്നത്.
കേസിന്റെ പ്രാരംഭഘട്ടത്തില് കേസിന്റെ വഴി തിരിച്ചു വിടാന് ദിലീപിന്റെ അനിയന് അനൂപിന് ഒരു സ്ക്രീന്ഷോട്ട് അയച്ചു കൊടുത്തുവെന്നാണ് ക്രൈംബ്രാഞ്ച് പറഞ്ഞത്. ഒരു സിനിമാ പ്രവര്ത്തകനും പൊലീസുകാരും അടങ്ങിയ വാട്ട്സ് ആപ്പ് ഗ്രൂപ്പിലെ സ്ക്രീന് ഷോട്ടായിരുന്നു നല്കിയത്. ദിലീപിനെതിരെ ഗൂഢാലോചന നടക്കുന്നുവെന്ന് കാണിക്കാനായിരുന്നു ഇത്. എന്നാല് ഈ സ്ക്രീന്ഷോട്ട് വ്യാജമായി നിര്മിച്ചതാണെന്ന് ക്രൈംബ്രാഞ്ച് കണ്ടെത്തി.