വീട്ടമ്മയെ തീപ്പൊള്ളലേറ്റ് മരിച്ച നിലയില് കണ്ടെത്തിയ സംഭവം കൊലപാതകമെന്ന് പൊലീസ്. ഇടുക്കി നരകക്കാനത്താണ് വീട്ടമ്മയെ മരിച്ച നിലയില് കണ്ടെത്തിയത്. കുമ്പിടിയമാക്കല് ചിന്നമ്മ ആന്റണിയാണ് മരിച്ചത്. കൊലപാതക ശേഷം ഗ്യാസ് തുറന്നുവിട്ട് കത്തിച്ചതാണെന്നാണ് നിഗമനം.
മോഷണ ശ്രമത്തിനിടെ നടന്ന കൊലപാതകമാണോ എന്നതടക്കം പൊലീസ് പരിശോധിക്കുന്നുണ്ട്. സംഭവ സമയം ചിന്നമ്മ മാത്രമാണ് വീട്ടിലുണ്ടായിരുന്നത്. സംഭവത്തില് അന്വേഷണം ഊര്ജിതമാക്കിയതായി പൊലീസ് അറിയിച്ചു.
കട്ടപ്പന ഡിവൈഎസ്പിയുടെ നേതൃത്വത്തില് പ്രത്യേക സംഘം കേസ് അന്വേഷിക്കുമെന്ന് ഇടുക്കി എസ്പി വിയു കുര്യാക്കോസ് അറിയിച്ചു.