മോന്‍സണ്‍ മാവുങ്കലിന്റെ സാമ്പത്തിക തട്ടിപ്പ് കേസില്‍ അനിത പുല്ലയിലിന്റെ മൊഴി രേഖപ്പെടുത്തി. വിഡിയോ കോണ്‍ഫറന്‍സിംഗ് വഴിയാണ് അനിത പുല്ലയിലിന്റെ മൊഴിയെടുത്തത്. മോന്‍സണും അനിതയുമായി സാമ്പത്തിക ഇടപാടുണ്ടായിരുന്നതായി ക്രൈംബ്രാഞ്ചിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് അനിത പുല്ലയിലിന്റെ മൊഴിയെടുക്കാന്‍ ക്രൈംബ്രാഞ്ച് തീരുമാനിച്ചത്.
മോന്‍സണ്‍ മാവുങ്കലിന്റെ സാമ്പത്തിക ഇടപാടുകളില്‍ അനിത പുല്ലയിലിനോട് ക്രൈംബ്രാഞ്ച് വിവരം തേടി. മോന്‍സണ്‍ മാവുങ്കലുമായി തനിക്ക് സാമ്പത്തിക ഇടപാടില്ലെന്് അനിത പുല്ലയില്‍ പറഞ്ഞു.
മോന്‍സണുമായി ബന്ധമുള്ള ഉന്നതരുടെ പേര് കൈമാറിയെന്നും അനിത പുല്ലയില്‍ പറഞ്ഞു. മോന്‍സണ്‍ മാവുങ്കലിനെ സംരക്ഷിച്ചവര്‍ ആരൊക്കെയെന്ന് പറഞ്ഞു. പ്രവാസി സംഘടനയുമായി ബന്ധപ്പെട്ടാണ് മോന്‍സണ്‍ മാവുങ്കലുമായി തനിക്കുള്ള ബന്ധം. മോന്‍സണ്‍ മാവുങ്കലിന്റെ തട്ടിപ്പ് മനസിലായപ്പോള്‍ ബന്ധം അവസാനിപ്പിച്ചു.
ഉന്നത പൊലീസ് ഉദ്യോഗസ്ഥരുമായുള്ള മോന്‍സണിന്റെ ബന്ധവും ക്രൈംബ്രാഞ്ചിനെ അറിയിച്ചുവെന്നും അനിത പുല്ലയില്‍ വ്യക്തമാക്കി.
