അട്ടപ്പാടി മധുക്കേസില് പ്രതികള്ക്ക് ഹൈക്കോടതിയില് തിരിച്ചടി. ജാമ്യം റദ്ദാക്കിയ വിചാരണക്കോടതി നടപടിക്കെതിരെ സമര്പ്പിച്ച ഹര്ജികള് ഹൈക്കോടതി തള്ളി. എട്ട് പ്രതികളുടെ ഹര്ജിയാണ് തള്ളിയത്. ഒരു പ്രതിക്ക് ജാമ്യം അനുവദിച്ചു. ജസ്റ്റിസ് കൗസര് ഇടപഗത്തിന്റെ ബെഞ്ചാണ് വിധി പറഞ്ഞത്.
നേരത്തെ വിചാരണക്കോടതി ഉത്തരവ് ഹൈക്കോടതി സ്റ്റേ ചെയ്തിരുന്നു. സാക്ഷികളെ സ്വാധീനിക്കാന് ശ്രമിച്ചിട്ടില്ലെന്നാണ് പ്രതികളുടെ വാദം. വാദത്തിനിടെ മധു വധക്കേസുമായി ബന്ധപ്പെട്ട രേഖകള് വിചാരണ കോടതിയില് നിന്നും ഹൈക്കോടതി വിളിച്ചു വരുത്തിയിരുന്നു.
