സ്വര്ണ്ണ കള്ളക്കടത്ത് കേസിലെ പ്രതി സ്വപ്ന സുരേഷിന്റെ അഭിഭാഷകന് അഡ്വ. കൃഷ്ണരാജിനെതിരെ കേസെടുത്തു. കെഎസ്ആര്ടിസി ബസ് ഡ്രൈവറെ ഒരു പ്രത്യേക മതവിഭാഗത്തിന്റെ ആളായി ചിത്രീകരിച്ചു കൊണ്ട് മതവിദ്വേഷമുണ്ടാക്കുന്ന രീതിയില് സോഷ്യല് മീഡിയയില് പ്രചരണം നടത്തിയതിനാണ് കേസ്.
എറണാകുളം സെന്ട്രല് പൊലീസാണ് ജാമ്യമില്ല വകുപ്പ് പ്രകാരം കേസ് രജിസ്റ്റര് ചെയ്തിരിക്കുന്നത്. അഡ്വ. അനൂപ് വി.ആറാണ് കൃഷ്ണരാജിനെതിരെ സിറ്റി കമ്മീഷണര്ക്ക് ഇ-മെയില് വഴി പരാതി നല്കിയത്.
ഐപിസി 295 എ വകുപ്പാണ് ചുമത്തിയിരിക്കുന്നത്. അറസ്റ്റ് ഉള്പ്പെടെയുള്ള തുടര് നടപടികള് ഉടനുണ്ടാകുമെന്നാണ് സൂചന.
