കോഴിക്കോട് നാദാപുരത്ത് കോളജ് വിദ്യാര്ത്ഥിനിയ്ക്ക് വെട്ടേറ്റു. പേരോട് സ്വദേശിനിയായ 20കാരിക്കാണ് വെട്ടേറ്റത്. ദേഹമാസകലം വെട്ടേറ്റ പെണ്കുട്ടിയെ ഗുരുതര പരുക്കുകളോടെ ആശുപത്രിയില് പ്രവേശിപ്പിച്ചു. നാദാപുരം സ്വകാര്യ കോളജിലെ ബികോം വിദ്യാര്ത്ഥിനിയാണ് പെണ്കുട്ടി. അക്രമം നടത്തിയ യുവാവ് സ്വയം കൈഞ്ഞരമ്പ് മുറിച്ചു. ഉച്ചക്ക് രണ്ട് മണിയോടെയാണ് സംഭവം.
റഫ്നാസ് എന്ന യുവാവാണ് അക്രമം നടത്തിയത്. കോളജ് വിട്ടുവരുന്ന പെണ്കുട്ടിയും യുവാവും തമ്മില് വാക്കേറ്റമുണ്ടായി. അതിനു ശേഷം ഇരുവരും തമ്മില് അവിടെവച്ച് മല്പിടുത്തവുമുണ്ടായി. തുടര്ന്നാണ് വലിയ കൊടുവാള് ഉപയോഗിച്ച് യുവാവ് പെണ്കുട്ടിയെ ആക്രമിച്ചത്.
തുടര്ന്ന് ഇയാള് സ്വയം തന്റെ ഇടതുകയ്യുടെ ഞരമ്പ് മുറിച്ചു. രണ്ട് പേരും പ്ലസ് ടൂ മുതല് ഒരുമിച്ച് പഠിച്ചവരാണെന്ന് പൊലീസ് പറയുന്നു.