കിഫ്ബി ഡെപ്യൂട്ടി മാനേജിംഗ് ഡയറക്ടര് വിക്രംജിത്ത് സിംഗ് ഇന്ന് എന്ഫോഴ്സ്മെന്റ് ഡയറക്ടറേറ്റിന് മുന്നില് ഹാജരാകില്ല. കിഫ്ബിക്കെതിരെ കേസ് എടുത്തതില് മുഖ്യമന്ത്രി കേന്ദ്ര തെരഞ്ഞെടുപ്പ് കമ്മീഷന് കത്ത് അയച്ച സാഹചര്യത്തില് ചോദ്യം ചെയ്യല് നീണ്ടുപോകാനാണ് സാധ്യത. കേന്ദ്ര സര്ക്കാരിന്റെ അനുമതിയില്ലാതെ മസാലാ ബോണ്ട് ഇറക്കി വിദേശത്ത് നിന്ന് വായ്പ എടുത്തത് ഫെമാ നിയമത്തിന്റെ ലംഘനമാണെന്ന കണ്ടെത്തലിന്റെ അടിസ്ഥാനത്തിലാണ് കേസ് എടുത്തിരിക്കുന്നത്.
ഇന്നലെയാണ് ഇഡിക്കെതിരെ നടപടി ആവശ്യപ്പെട്ട് മുഖ്യ തെരഞ്ഞെടുപ്പ് കമ്മീഷന് മുഖ്യമന്ത്രി കത്ത് അയച്ചത്. കിഫ്ബിക്ക് എതിരായ എന്ഫോഴ്സ്മെന്റ് ഡയറക്ടറേറ്റിന്റെ നീക്കം രാഷ്ട്രീയ പ്രേരിതമാണെന്ന് കത്തില് പറയുന്നു. ഇഡിയുടെ ഇടപെടലുകള് പെരുമാറ്റ ചട്ട ലംഘനമാണ്. കിഫ്ബിക്ക് ഇഡിയുടെ നോട്ടിസ് ലഭിച്ചിട്ടില്ലെന്നും കത്തില് പറയുന്നുണ്ട്.
