കോഴിക്കോട്: മതം മാറി 32000 പേര് സിറിയയിലേക്ക് പോയെന്ന കേരളത്തിനെതിരെയുള്ള പ്രചരണത്തില് തെളിവ് സമര്പ്പിക്കുന്നവര്ക്ക് പാരിതോഷികം പ്രഖ്യാപിച്ച് മുസ്ലിം യൂത്ത് ലീഗ്. തെളിവുകള് കയ്യിലുള്ള ആര്ക്കും മുസ്ലിം യൂത്ത് ലീഗിന്റെ ജില്ലാ കേന്ദ്രങ്ങളിലെ കൗണ്ടറില് സമര്പ്പിക്കാം. ഒരു കോടിരൂപയുടെ പാരിതോഷി്കമാണ് യൂത്ത് ലീഗ് പ്രഖ്യാപിച്ചത്.
രാഷ്ട്രീയ ലക്ഷ്യങ്ങള്ക്ക് വേണ്ടി നുണകള് മാത്രം പറയുന്ന സംഘ് പരിവാര് ഫാക്ടറിയിലെ ഏറ്റവും വലിയ നുണകളില് ഒന്നാണ് ‘ലൗ ജിഹാദ്’ വഴി മതം മാറ്റി സിറിയയിലേക്ക് കടത്തി എന്ന ആരോപണമെന്ന് യൂത്ത് ലീഗ് സംസ്ഥാന ജനറല് സെക്രട്ടറി പി കെ ഫിറോസ് അറിയിച്ചു. മുസ്ലിം യൂത്ത് ലീഗിന്റെ ഔദ്യോഗിക ഫേസ്ബുക്ക് പേജിലൂടെയായിരുന്നു പ്രഖ്യാപനം.
‘
തെളിവ് കൊണ്ടുവരുന്നവര്ക്ക് ഒരുകോടി രൂപ മുസ്ലിം യൂത്ത് ലീഗ് ഇനാം നല്കുമെന്ന് പ്രഖ്യാപിക്കുകയാണ്. അങ്ങനെ തെളിവുകള് കയ്യിലുള്ള ആര്ക്കും മുസ്ലിം യൂത്ത് ലീഗിന്റെ ജില്ലാ കേന്ദ്രങ്ങളിലെ കൗണ്ടറില് സമര്പ്പിച്ച് മെനക്കേടില്ലാതെ ഒരുകോടി നേടാവുന്നതാണ്’, കുറിപ്പില് പറയുന്നു. കേരളത്തില് 32000 പേരെ ഇതിനകം മതംമാറ്റിയെന്ന ആധികാരിക കണക്കുകള് കയ്യിലുണ്ടെന്ന വാദത്തോടെ സംഘ്പരിവാര് സ്പോണ്സേര്ഡ് സിനിമയായ ‘ദി കേരളാ സ്റ്റോറി’പറയുമ്പോള് ഒരു പഞ്ചായത്തില് ശരാശരി 30 പേരെങ്കിലും ഉണ്ടാവേണ്ടതാണ്. പക്ഷേ ഒരാളുടെയെങ്കിലും അഡ്രസ് ചോദിക്കുമ്പോള് ഒന്നും കേള്ക്കാത്ത പോലെ തലതാഴ്ത്തി ഇരിപ്പാണെന്നും യൂത്ത് ലീഗ് പരിഹസിച്ചു.
ഫെയ്സ്ബുക്ക് പോസ്റ്റിങ്ങനെ
രാഷ്ട്രീയ ലക്ഷ്യങ്ങള്ക്ക് വേണ്ടി നുണകള് മാത്രം പറയുന്ന സംഘ് പരിവാര് ഫാക്ടറിയിലെ ഏറ്റവും വലിയ നുണകളില് ഒന്നാണ് ലൗ ജിഹാദ് വഴി മതം മാറ്റി സിറിയയിലേക്ക് കടത്തി എന്ന ആരോപണം. കേരളത്തില് 32000 പേരെ ഇവ്വിധം മാറ്റി എന്ന് സംഘ് സ്പോണ്സേര്ഡ് സിനിമ ആധികാരിക കണക്കുകള് കയ്യിലുണ്ടെന്ന വാദത്തോടെ പറയുമ്പോള് ഒരു പഞ്ചായത്തില് ശരാശരി 30 പേരെങ്കിലും ഉണ്ടാവുമല്ലോ. പക്ഷേ, ഒരാളുടെയെങ്കിലും അഡ്രസ് ചോദിക്കുമ്പോള് ഒന്നും കേള്ക്കാത്ത പോലെ തലതാഴ്ത്തി ഇരിപ്പാണ്.
അതുകൊണ്ട്, തെളിവ് കൊണ്ടുവരുന്നവര്ക്ക് ഒരുകോടി രൂപ മുസ്ലിം യൂത്ത് ലീഗ് ഇനാം നല്കുമെന്ന് പ്രഖ്യാപിക്കുകയാണ്. അങ്ങനെ തെളിവുകള് കയ്യിലുള്ള ആര്ക്കും മുസ്ലിം യൂത്ത് ലീഗിന്റെ ജില്ലാ കേന്ദ്രങ്ങളിലെ കൗണ്ടറില് അത് സമര്പ്പിച്ച് മെനക്കേടില്ലാതെ ഒരുകോടി നേടാവുന്നതാണ്.
