കൊച്ചി കളമശ്ശേരിയില് നിന്നുള്ള മൂന്ന് സഹേദരിമാര് ചേര്ന്നു 2019 ല് ആണ് കായം നിര്മ്മാണത്തില് തുടങ്ങി ബിസിനസ് ആരംഭിക്കുന്നത്. ഇന്നിപ്പോള് 30 ഓളം ഉല്പന്നങ്ങള് ‘ത്രിവീസ്’ ബ്രാന്ഡില് വിപണിയിലെത്തുന്നു. താമസിച്ചിരുന്ന വാടക വീടിന്റെ ചെറിയൊരു മുറിയിലാണ് സംരംഭം തുടങ്ങിയത്. ‘ത്രീവീസ് എന്നു പേരിട്ടിരിക്കുന്ന കമ്പനി എറണാകുളം കളമശേരിയില് ആണ് പ്രവര്ത്തിക്കുന്നത്.
പ്രൊപ്രൈറ്റര്ഷിപ്പില് തുടങ്ങിയ സംരംഭം ഇന്നിപ്പോള് പ്രൈവറ്റ് ലിമിറ്റഡ് കമ്പനി ആയി മാറി. രണ്ടു ലക്ഷം രൂപ മുടക്കില് തുടങ്ങിയ സ്ഥാപനത്തില് ഇന്ന് 50 ലക്ഷം രൂപയുടെ മെഷനറികളുണ്ട്. 25 ലക്ഷം രൂപയുടെ മാസ വിറ്റുവരവ് ഉണ്ട്. 20 ശതമാനം വരെയാണ് അറ്റാദായം.
സഹോദരിമാരില് വര്ഷ ആണ് സംരംഭത്തിന് തുടക്കമിടുന്നത്. ചാര്ട്ടേഡ് അക്കൗണ്ടന്സി വിദ്യാര്ഥിനിയായ വിസ്മയ സാമ്പത്തിക കാര്യങ്ങളും, ബി.ബി.എ. ബിരുദധാരിയായ വൃന്ദ ഡിജിറ്റല് മാര്ക്കറ്റിങ്, സോഷ്യല് മീഡിയ മാര്ക്കറ്റിംഗും ചെയ്യുന്നു.