മൂവാറ്റുപുഴ: പൗരത്വ നിയമ ഭേദഗി ബില്ലിനെതിരെ ചിത്രകാരന്മാര് ചിത്രം വരച്ച് പ്രതിഷേധിച്ചു. മൂവാറ്റുപുഴ നെഹൃ പാര്ക്കിന് സമീപം നടപ്പാതയോരത്ത് സ്ഥാപിച്ച വെള്ളത്തുണിയില് ചിത്രകാരന്മാര് ചേര്ന്ന് ബില്ലിനെതിരായി പ്രതിഷേധം രേഖപ്പെടുത്തി ചിത്രങ്ങള് വരച്ചു. കേരള ലളിതകലാ എക്സിക്യൂട്ടീവ് അംഗം മനോജ് നാരായണന് ഉദ്ഘാടനം ചെയ്തു. എന് വി പീറ്റര് അധ്യക്ഷനായി ഐസക്ക് നെല്ലാട് പി ജി ബിജു എന്നിവര് സംസാരിച്ചു. ചിത്രകാരന്മാരായ ഗോപി സംക്രമണം,കെ എം ഹസ്സന്, റ്റി എ കുമാരന്, ഡാനിയേല്, സരസ്വതി കാവന, ഐസക്ക് നെല്ലാട് തുടങ്ങിയവര് നേതൃത്വം നല്കി.
