തിരുവനന്തപുരം: സംസ്ഥാനത്ത് സിക വൈറസ് രോഗബാധ നിയന്ത്രണ വിധേയമായതായി ആരോഗ്യ മന്ത്രി വീണ ജോർജ്. ഒരാഴ്ചയിലേറെയായി സംസ്ഥാനത്ത് കേസുകളൊന്നും തന്നെ റിപ്പോര്ട്ട് ചെയ്തിട്ടില്ല. മറ്റ് ജില്ലകളിലേക്ക് വ്യാപിക്കാതെ സിക്കയെ നിയന്ത്രണ വിധേയമാക്കാന് സാധിച്ചത് വലിയ നേട്ടമാണെന്നും ആരോഗ്യ മന്ത്രി വീണാ ജോര്ജ് പറഞ്ഞു. സംസ്ഥാനത്ത് ഇതുവരെ 66 സിക്ക വൈറസ് കേസുകളാണ് റിപ്പോര്ട്ട് ചെയ്തിട്ടുള്ളത്.
തിരുവനന്തപുരത്ത് നിന്നായിരുന്നു ഏറ്റവും കൂടുതൽ കേസുകൾ റിപ്പോർട്ട് ചെയ്തത്. 62 കേസുകളാണ് സ്ഥീകരിച്ചത്. എറണാകുളത്ത് രണ്ട് കേസും കൊല്ലം, കോട്ടയം ജില്ലകളില് ഒരു കേസുമാണ് റിപ്പോര്ട്ട് ചെയ്തത്. ഇവരാരും തന്നെ ചികിത്സയിലില്ല. ഒരാള്ക്ക് പോലും ഗുരുതരമായി സിക്ക വൈറസ് ബാധിച്ചില്ല. ഇവരെല്ലാം തന്നെ തിരുവനന്തപുരവുമായി ബന്ധമുള്ളവരായിരുന്നു.സക്ക വൈറസ് മറ്റുള്ളവരിലേക്ക് പകരാതിരിക്കാന് 9,18,753 പേരെയാണ് സ്ക്രീന് ചെയ്തത്.
4252 ഗര്ഭിണികളെ സ്ക്രീന് ചെയ്തതില് 6 പോസിറ്റീവ് കേസുകള് ഉണ്ടായിരുന്നു. 34 പ്രസവങ്ങള് റിപ്പോര്ട്ട് ചെയ്തതില് ഒരു നവജാത ശിശുവിനെ മാത്രമാണ് നിരീക്ഷിക്കേണ്ടി വന്നത്. എന്നാല് ആ കുഞ്ഞിനും സിക്ക വൈറസ് മൂലമുള്ള പ്രശ്നമുണ്ടായില്ല. സംസ്ഥാനത്ത് ജൂലൈ 8നാണ് സിക്ക വൈറസ് സ്ഥിരീകരിച്ചത്. പാറശാല സ്വദേശിയായ 24 കാരിയായ ഗര്ഭിണിക്കാണ് രോഗം സ്ഥിരീകരിച്ചത്. മഴ മാറാതെ നില്ക്കുന്നതിനാല് ഇനിയും ജാഗ്രത തുടരേണ്ടതാണെന്നും മന്ത്രി അറിയിച്ചു.
