ബംഗളൂരു: മാസപ്പടി കേസില് എസ്എഫ്ഐഒ അന്വേഷണം പിന്വലിക്കണമെന്ന് അവശ്യപ്പെട്ട് മുഖ്യമന്ത്രിയുടെ മകള് വീണാ വിജയന്റെ കമ്പനി നല്കിയ ഹര്ജി കോടതി ഇന്ന് പരിഗണിക്കും.
കര്ണാടക ഹൈക്കോടതിയാണ് ഹര്ജി പരിഗണിക്കുക.
ജസ്റ്റീസ് നാഗപ്രസന്നയുടെ ബെഞ്ചാണ് ഹര്ജി പരിഗണിക്കുക. കര്ണാടകയുടെ അഡീഷണല് സോളിസിറ്റര് ജനറല് എഎസ്ജി കുളൂര് അരവിന്ദ് കാമത്താണ് എസ്എഫ്ഐഒ ഡയറക്ടര്ക്കുവേണ്ടി ഹാജരാകുന്നത്.
ലോക്സഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില് മാസപ്പടി വിവാദം സംസ്ഥാനസര്ക്കാരിനെയും സിപിഎമ്മിനെയും വെട്ടിലാക്കിയിരിക്കുകയാണ്. ഇതിന് പിന്നാലെയാണ് കേസില് എസ്എഫ്ഐഒ അന്വേഷണം പിന്വലിക്കണമെന്ന് ആവശ്യപ്പെട്ട് വീണാവിജയന്റെ കമ്പനി കര്ണാടക ഹൈക്കോടതിയെ സമീപിച്ചത്.