കണ്ണൂര്‍: മലയാളി വിദ്യാര്‍ത്ഥിനി ബെംഗളൂരുവില്‍ വാഹനാപകടത്തില്‍ മരിച്ചു. ഇരിട്ടി കച്ചേരിക്കടവ് സ്വദേശിനിയായ തേക്കേല്‍ വീട്ടില്‍ സജിമോന്‍-ജിലു ദമ്പതികളുടെ മകള്‍ അഷ്മിത സജി(19) ആണ് മരിച്ചത്. അഷ്മിത സഞ്ചരിച്ച ഇരുചക്രവാഹനത്തില്‍ ട്രക്കിടിച്ചാണ് അപകടം. കര്‍ണാടക കോളേജില്‍ ഫാം ഡി മൂന്നാം വര്‍ഷ വിദ്യാര്‍ത്ഥിനിയാണ് അഷ്മിത. അഷ്മിതയുടെ മാതാപിതാക്കള്‍ വിദേശത്താണ്. വിവരമറിഞ്ഞ് ഇരുവരും ബെംഗളൂരുവിലേക്ക് തിരിച്ചിട്ടുണ്ട്. സഹോദരന്‍ ആശിഷ്.
