തൊടുപുഴ: കാറും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. പാലാ- തൊടുപുഴ റൂട്ടില് ഞൊണ്ടിമാക്കല് കവലയിലാണ് സംഭവം. കുറവിലങ്ങാട് പകലോമറ്റം തട്ടാറതറപ്പില് വിമല് ബാബു (20) ആണ് മരിച്ചത്. ഒപ്പമുണ്ടായിരുന്ന കുറവിലങ്ങാട് സ്വദേശി ജിസ്മോന് (20) പരുക്കേറ്റു. തിങ്കളാഴ്ച പന്ത്രണ്ടരയോടെയാണ് അപകടം നടന്നത്.
പരിക്കേറ്റ ജിസ്മോനെ കോട്ടയം മെഡിക്കല് കോളേജില് പ്രവേശിപ്പിച്ചു. മലപ്പുറത്ത് നിന്ന് പാലായിലേക്ക് വന്ന കാര് നിയന്ത്രണം വിട്ട് പോസ്റ്റിലിടിച്ച ശേഷം എതിരെ വന്ന ബൈക്കിലിടിക്കുകയായിരുന്നു. കാര് ഡ്രൈവര് ഉറങ്ങിപ്പോയതാണ് കാരണമെന്നാണ് നിഗമനം. ഇടിയുടെ ആഘാതത്തില് കാര് തലകീഴായി മറിഞ്ഞിരുന്നു. ബൈക്കിന്റെ മുന്ചക്രം ഇളകിമാറി. വിമല് ബാബുവിന്റെ മൃതദേഹം പാലാ ജനറല് ആശുപത്രിയിലേക്ക് മാറ്റി.