മൂവാറ്റുപുഴ :വാഹനാപകടത്തില് പരിക്കേറ്റ് ചികിത്സയിലായിരുന്ന ഓട്ടോറിക്ഷ ഡ്രൈവര് മരിച്ചു. പേഴക്കാപ്പിള്ളി കണ്ടത്തില് പരേതനായ ബാവയുടെ മകന് അഷറഫ് (54)ആണ് മരിച്ചത്. രണ്ടാഴ്ച മുമ്പ് പേഴയ്ക്കാപ്പിള്ളി എസ്.വളവിലായിരുന്നു അപകടം.പുലര്ച്ചെ ചായകുടിച്ചു കാല്നടയായി വീട്ടിലേക്ക് മടങ്ങുകയായിരുന്ന അഷറഫിനെ പച്ചക്കറി ലോഡുമായി എത്തിയ ലോറി ഇടിക്കുകയായിരുന്നു. തുടര്ന്ന് ആലുവയിലെ സ്വകാര്യ ആശുപത്രിയില് ചികിത്സയിലായിരുന്നു. സംസ്കാരം ഇന്ന് വൈകുന്നേരം ആറിനുശേഷം പേഴയ്ക്കാപ്പിള്ളി സെന്ട്രല് ജുമാ മസ്ജിദ് ഖബര്സ്ഥാനില്. ഭാര്യ :നബീസ. മക്കള് :അനീഷ്, അജാസ്,അനീഷ. മരുമക്കള്: അന്ഷാദ്, നജ്മി