ജി. സുധാകരന് പൊതുമരാമത്ത് മന്ത്രിയായിരിക്കെ നടത്തിയ ദേശീയപാത പുനര് നിര്മാണത്തില് വിജിലന്സ് അന്വേഷണം വേണമെന്ന് എ.എം. ആരിഫ് എംപി. ദേശീയപാത 66 ല് അരൂര് മതല് ചേര്ത്തല വരെ (23.6 KM) പുനര് നിര്മിച്ചതില് ക്രമക്കേട് ഉണ്ടെന്ന് ആരിഫ് ആരോപിച്ചു.
വിജിലന്സ് അന്വേഷണം ആവശ്യപ്പെട്ട് പൊതുമരാമത്ത് മന്ത്രി മുഹമ്മദ് റിയാസിന് എഎം ആരിഫ് എംപി കത്ത് നല്കി. കുറ്റക്കാര്ക്കെതിരെ നിയമ നടപടി വേണമെന്നും കത്തില് പറയുന്നു.
36 കോടി ചെലവിട്ട് ജര്മന് സാങ്കേതിക വിദ്യയോടെയായിരുന്നു പുനര്നിര്മാണം. മൂന്നു വര്ഷം ഗ്യാരണ്ടിയോടെ നിര്മിച്ച റോഡിന് നിലവാരം ഇല്ലെന്നും റോഡില് ഉടനീളം കുഴികള് രൂപപ്പെടുന്നെന്നും കത്തിലുണ്ട്. കേന്ദ്ര ഫണ്ട് ഉപയോഗിച്ചാണെങ്കിലും നിര്മാണ ചുമതല സംസ്ഥാന പൊതുമരാമത്ത് ദേശീയപാത വിഭാഗത്തിന് ആയിരുന്നു. ജര്മന് സാങ്കേതികവിദ്യ എന്ന ആശയം കേന്ദ്രത്തിന്റേതാണ്.
