മൂവാറ്റുപുഴ: പുതിയ വീടിന് വീട്ടുനമ്പറിടുവാന് കൈക്കൂലി വാങ്ങിയ ചിറ്റാട്ടുകര മുന് ഗ്രാമ പഞ്ചായത്ത് സെക്രട്ടറി കെ.എന്. പൊന്നപ്പനെ മൂവാറ്റുപുഴ വിജിലന്സ് കോടതി ജഡ്ജി ഡോ. ബി. കലാം പാഷ മൂന്നു വര്ഷത്തേക്ക് ശിക്ഷിച്ചു. 20000 രൂപ പിഴയും അടക്കണം. എറണാകുളം വിജിലന്സ് ആന്റ് ആന്റി കറപ്ഷന് ബ്യൂറോ 2010 ജനുവരി 1 ന് നടത്തിയ ട്രാപ്പിലൂടെയാണ് പ്രതിയെ പിടികൂടിയത്
2009 ഡിസംബര് 31-ന് വടക്കേക്കര പട്ടണംകര പുളിക്കല് ആന്റണിയോട് വീടിനു് നമ്പരിടുന്നതിനും കെട്ടിട നികുതി കുറച്ചു കൊടുക്കുന്നതിനും 5000 രൂപ കൈക്കൂലിയായി ആവശ്യപ്പെട്ടതിനെത്തുടര്ന്നു് വിജിലന്സ് പോലീസ് ഒരുക്കിയ കെണിയില് പ്രതി അകപ്പെടുകയായിരുന്നു. പ്രോസിക്യൂഷന് വേണ്ടി വിജിലന്സ് പ്രോസിക്യൂട്ടര് എല്.ആര് രജ്ഞിത് ഹാജരായി. പദവി ദുരുപയോഗം ചെയ്ത് കൈക്കൂലി വാങ്ങിയതിന് 2 വര്ഷവും കൈക്കൂലി ആവശ്യപ്പെട്ടതിന് ഒരു വര്ഷവുമാണ് വിവിധ അഴിമതി നിരോധനവകുപ്പു പ്രകാരം പ്രതി പൊന്നപ്പനെ ശിക്ഷിച്ചതെന്ന് പ്രോസിക്യൂട്ടര് രഞ്ജിത് കുമാര് പറഞ്ഞു.
