തിരുവനന്തപുരം: അന്തരിച്ച സിപിഐ സംസ്ഥാന സെക്രട്ടറി കാനം രാജേന്ദ്രന്റെ മൃതദേഹം തിരുവനന്തപുരത്ത് എത്തിച്ചു. പാര്ട്ടി ആസ്ഥാനമായ പിഎസ് സ്മാരക മന്ദിരത്തില് പൊതു ദര്ശനം തുടങ്ങി. നിരവധി നേതാക്കളും അണികളും പ്രവര്ത്തകരും പ്രിയ നേതാവിനെ ഒരു നോക്ക് കാണാനായി ഇവിടേക്ക് എത്തിച്ചേര്ന്നിട്ടുണ്ട്.
രാവിലെ കൊച്ചി അമൃത ആശുപത്രിയില് നിന്ന് നെടുമ്പാശ്ശേരി വിമാനത്താവളത്തിലേക്ക് കൊണ്ട് വന്ന മൃതദേഹം ഹെലികോപ്റ്ററിലാണ് തിരുവനന്തപുരത്ത് എത്തിച്ചത്.
ഉച്ചയ്ക്ക് രണ്ടു മണിയോടെ ഭൗതിക ശരീരവും വഹിച്ചുകൊണ്ടുള്ള വിലാപ യാത്ര കോട്ടയത്തേയ്ക്ക് തിരിക്കും. സിപിഐ ജില്ലാ കൗണ്സില് ഓഫീസിലെ പൊതുദര്ശനത്തിന് ശേഷം വാഴൂരിലെ വീട്ടില് എത്തിക്കും. നാളെ രാവിലെ 11 മണിക്ക് ആണ് സംസ്കാര ചടങ്ങുകള്.
വെളളിയാഴ്ച ഹൃദയാഘാതത്തെത്തുടര്ന്ന് കൊച്ചിയിലെ അമൃത ആശുപത്രിയില് വെച്ചായിരുന്നു കാനം രാജേന്ദ്രന് അന്തരിച്ചത്. ഇടതു കാലിന് നേരത്തെ അപകടത്തില് പരിക്കേറ്റിരുന്നു. പ്രമേഹം സ്ഥിതി കൂടുതല് മോശമാക്കി. അടുത്തിടെ പാദം മുറിച്ചു മാറ്റിയിരുന്നു.
