വിവിധ രാജ്യങ്ങളില് ഒമിക്രോണ് കേസുകള് ഉയരുന്നതില് ആശങ്ക പ്രകടിപ്പിച്ച് ലോകാരോഗ്യ സംഘടന. ഒമിക്രോണ്- ഡെല്റ്റ വകഭേദങ്ങള് ഒന്നിച്ച് ‘കോവിഡ് സുനാമി’യിലേക്ക് പോകുമോയെന്ന് ആശങ്കയുണ്ടെന്ന് ലോകാരോഗ്യ സംഘടനാ തലവന് ഡോ. ടെഡ്രസ് ഗെബ്രിയോസിസ് പറഞ്ഞു. കഴിഞ്ഞ ആഴ്ചയെ അപേക്ഷിച്ച് ലോകത്തെ കോവിഡ് കേസുകളില് 11 ശതമാനത്തിന്റെ വര്ധനയുണ്ടായെന്നാണ് ഡബ്ലുഎച്ച്ഒയുടെ കണക്ക്.
മന്ദഗതിയില് നീങ്ങുന്ന ആരോഗ്യ സംവിധാനമുള്ള പല രാജ്യങ്ങളിലും പ്രശ്നങ്ങളുണ്ടാകും. വാക്സിന് സ്വീകരിക്കാത്തവരില് മരണ നിരക്ക് കുതിച്ചുയരുമെന്നും ടെഡ്രോസ് പറഞ്ഞു.
ഇന്ത്യയിലും കോവിഡ് കേസുകളില് വലിയ വര്ധനയുണ്ട്. മഹാരാഷ്ട്രയില് കോവിഡിന്റെ മൂന്നാം തരംഗം ആരംഭിച്ചതായും റിപ്പോര്ട്ടുകളുണ്ട്. ഇന്ത്യയില് ഇതുവരെ 950 പേരില് ഒമിക്രോണ് വകഭേദം കണ്ടെത്തിയിട്ടുണ്ട്.
