ഇസ്ലാമാബാദ്: പാക് വിദേശകാര്യ വക്താവ് മെഹമ്മദ് ഫൈസലിന്റെ ട്വിറ്റര് അക്കൗണ്ട് ബ്ലോക്ക് ചെയ്തു. ഇന്ത്യന് അധികൃതരുടെ പരാതിയെ തുടര്ന്നാണ് വിദേശകാര്യ വക്താവിന്റെ ട്വിറ്റര് അക്കൗണ്ട് ബ്ലോക്ക് ചെയ്തതെന്ന് പാകിസ്താന് മാധ്യമങ്ങള് ആരോപിക്കുന്നു. കശ്മീരില് ഇന്ത്യ മനുഷ്യാവകാശങ്ങള് ലംഘിക്കുന്നുവെന്നും കുല്ഭൂഷണ് ജാദവ് കേസില് അന്താരാഷ്ട്ര നീതിന്യായ കോടതിയില് നടക്കുന്ന വാദങ്ങളേപ്പറ്റിയും നിരന്തരം ട്വീറ്റ് ചെയ്തിരുന്നു മൊഹമ്മദ് ഫൈസല്.
ഇതിന് പിന്നാലെയാണ് അക്കൗണ്ട് ബ്ലോക്ക് ചെയ്യപ്പെട്ടത്. അതേസമയം പാക് വിദേശകാര്യമന്ത്രാലയത്തിന്റെതായുള്ള മൊഹമ്മദ് ഫൈസലിന്റെ ഔദ്യോഗിക ട്വിറ്റര് അക്കൗണ്ട് ആക്ടീവ് ആയാണ് കാണിക്കുന്നത്. കശ്മീരിലെ മനുഷ്യാവകാശ ലംഘനങ്ങള് അവസാനിപ്പിക്കണമെന്ന് യൂറോപ്യന് യൂണിയന് ആവശ്യപ്പെട്ടെന്നും മനുഷ്യാവകാശങ്ങള് ലംഘിക്കുന്ന രാജ്യങ്ങളുമായി യുറോപ്യന് യൂണിയന് വ്യാപാരം നടത്തില്ലെന്നുമായിരുന്നു ഫൈസലിന്റേതായി വന്ന ഏറ്റവും ഒടുവിലത്തെ ട്വീറ്റ്. ഇതിന് ശേഷം ട്വിറ്റര് അക്കൗണ്ട് പ്രവര്ത്തിക്കുന്നില്ല.
