ഗാസ: യുദ്ധ മുന്നറിയിപ്പിനു കൂട്ടപ്പലായനം ചെയ്തവര്ക്ക് നേരെ ഇസ്രയേല് നടത്തിയ വ്യോമാക്രമണത്തില് 70 പേര് കൊല്ലപ്പെട്ടു. സ്ത്രീകളും കുട്ടികളുമാണ് കൊല്ലപ്പെട്ടവരില് അധികവും. സിറ്റിയില് നിന്ന് തെക്കന് ഗാസയിലേയ്ക്ക ് കാറുകളില് പോവുകയായിരുന്നവര്ക്കു നേരെയാണ് ആക്രമണം ഉണ്ടായത്.
യാത്രക്കാരുടെ കൂട്ടത്തില് സായുധസേനാംഗങ്ങള് ഉണ്ടായിരുന്നോ എന്ന് വ്യക്തമല്ലെന്നും ഹമാസ് മീഡിയ ഓഫിസ് അറിയിച്ചു. ഇതോടെ ഇസ്രയേലിന്റെ മിസൈല് ആക്രമണത്തില് കൊല്ലപ്പെട്ടവരുടെ എണ്ണം 1,900 ആയി . ഇതില് 600ല് അധികം പേര് കുട്ടികളാണ്.
പലസ്തീന് അഭയാര്ഥികള്ക്കു വേണ്ടി പ്രവര്ത്തിക്കുന്ന ഐക്യരാഷ്ട്ര സംഘടനാ ഏജന്സികള് അവരുടെ പ്രവര്ത്തനം വടക്കന് ഗാസയില്നിന്ന് തെക്കന് മേഖലയിലേക്ക് മാറ്റി. എന്നാല് 13,000ത്തോളം വരുന്ന പ്രവര്ത്തകര് വടക്കന് ഗാസയിലെ യുഎന് ക്യാംപുകളിലുള്ളവര്ക്ക് വേണ്ട സഹായം നല്കുന്നുണ്ടെന്ന് യുഎന് അറിയിച്ചു.
