കാക്കനാട്: രാജഹംസം, ചലനം പദ്ധതിയില്‍ നിര്‍ദ്ധനര്‍ക്കായി ജില്ലാ പഞ്ചായത്ത് നല്‍കുന്ന വാഹനങ്ങളുടെ വിതരണോദ്ഘാടനം 5ന് ഗവര്‍ണര്‍ ആരിഫ് മുഹമ്മദ് ഖാന്‍ ഉദ്ഘാടനം നിര്‍വഹിക്കും. ഹൈബി ഈഡന്‍ എം പി അധ്യക്ഷത വഹിക്കും. ജില്ലാ പഞ്ചായത്ത് പ്രിയദര്‍ശിനി ഹാളില്‍ മെയ് 05 ന് വൈകിട്ട് 5.30 ന് നടക്കുന്ന ചടങ്ങില്‍ .ജില്ലാ പഞ്ചായത്ത് പ്രവര്‍ത്തന സജ്ജമാക്കിയ പകല്‍വീടുകളുടെ താക്കോല്‍ദാനവും ഗവര്‍ണര്‍ നിര്‍വ്വഹിക്കും.
രാജഹംസം പദ്ധതിയില്‍ 126 മുചക്ര വാഹനങ്ങളും ചലനം പദ്ധതിയില്‍ പെടുത്തിയുള്ള 72 വീല്‍ ചെയറുകളുമാണ് ഇക്കുറി അര്‍ഹരായവരുടെ കൈകളിലേക്ക് എത്തുകയെന്ന് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് പറഞ്ഞു.. കഴിഞ്ഞ വര്‍ഷം 95 മുച്ചക്ര വാഹനങ്ങളാണ് നല്‍കിയത്.
ഉമ തോമസ് എം.എല്‍.എ മുഖ്യ പ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് സ്വാഗതം പറയും. വൈസ് പ്രസിഡന്റ് സനിതാ റഹിം. ജില്ലാ കളക്ടര്‍ എന്‍.എസ്.കെ.ഉമേഷ് ഐ.എ.എസ് എന്നിവര്‍ ആശംസകള്‍ നേരും. ജില്ലാ സാമൂഹ്യനീതി ഓഫീസര്‍ കെ.കെ.ഉഷ പദ്ധതി വിശദീകരണം നടത്തും. ജില്ലാ പഞ്ചായത്ത് സെക്രട്ടറി പി ജി പ്രകാശ് നന്ദി പറയും. കോവിഡ് 19 പ്രോട്ടോകോള്‍ പാലിച്ചു കൊണ്ടായിരിക്കും ചടങ്ങുകള്‍ നടക്കുക.
രാജഹംസവും ചലനവും.
ജില്ലയെ ഭിന്നശേഷി സൗഹൃദ ജില്ലയാക്കുക എന്ന ലക്ഷ്യത്തോടെ ജില്ലാ പഞ്ചായത്ത് വിവിധ പദ്ധതികളാണ് ഏറ്റെടുത്ത് നടത്തി വരുന്നത്. പരിമിതികളെ മറികടന്ന് സ്വാശ്രയ ജീവിതം നയിക്കുന്നതിനും അവരെ സമൂഹത്തോട് കൂടുതല്‍ ചേര്‍ത്ത് വെയ്ക്കുന്നതിനുമായി 2022-23 സാമ്പത്തിക വര്‍ഷത്തില്‍ ഏറ്റെടുത്ത പദ്ധതികളാണ് രാജഹംസവും ചലനവും. ഭിന്നശേഷി ജനവിഭാഗങ്ങള്‍ക്ക് സൈഡ് വീലോടു കൂടിയ മുച്ചക്ര വാഹനം നല്‍കുന്നതാണ് രാജഹംസം പദ്ധതി. ദിന്ന ശേഷി ജനവിഭാഗങ്ങള്‍ക്ക് ഇലക്ട്രോണിക് വീല്‍ ചെയര്‍ നല്‍കുന്ന പദ്ധതിയാണ് ചലനം
