ന്യൂഡല്ഹി: ഐ.എന്.എക്സ്. മീഡിയ കേസില് മുന് കേന്ദ്രമന്ത്രി പി. ചിദംബരത്തെ സിബിഐ അറസ്റ്റ് ചെയ്തു. എഐസിസി ആസ്ഥാനത്ത് നടത്തിയ വാര്ത്താ സമ്മേളനത്തിനു ശേഷം വീട്ടിലെത്തിയ ചിദംബരത്തെ അവിടെയെത്തിയാണ് സിബിഐ അറസ്റ്റ് ചെയ്തത്. ചിദംബരത്തിന്റെ മുന്കൂര് ജാമ്യാപേക്ഷ വെള്ളിയാഴ്ച സുപ്രീം കോടതി പരിഗണിക്കാനിരിക്കെയാണ് സിബിഐയുടെ നടപടി.
പത്രസമ്മേളനത്തിനു ശേഷം രാത്രി 8.30 ഓടെയാണ്ചിദംബരവും അഭിഭാഷകനായ കപില് സിബലും ചിദംബരത്തിന്റെ വീട്ടിലെത്തിയത്. പിന്നാലെ സിബിഐ ഉദ്യോഗസ്ഥരും പിന്നാലെയെത്തി.ഗേറ്റ് പൂട്ടിക്കിടക്കുകയായിരുന്നതിനാല് മതില് ചാടിക്കടന്നാണ് ഉദ്യോഗസ്ഥര് വീട്ടിലെത്തിയത്. പിന്നാലെ എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥരും സ്ഥലത്തെത്തി.
ഇതിനിടെ കോണ്ഗ്രസ് പ്രവര്ത്തകര് എഐസിസി ആസ്ഥാനത്തും ചിദംബരത്തിന്റെ വീടിന്റെ മുന്നിലും തമ്ബടിക്കുകയും പ്രതിഷേധിക്കുകയും ചെയ്തു. ഇതിനിടയില് ബിജെപി പ്രവര്ത്തകരും ചിദംബരത്തിനെതിരായി മുദ്രാവാക്യം വിളികളുമായെത്തി. തുടര്ന്ന് ഇരു വിഭാഗം പ്രവര്ത്തകരും തമ്മില് സംഘര്ഷമുണ്ടായി. ഏറെ അനിശ്ചിതത്വങ്ങള്ക്കൊടുവില്നാടകീയ നിമിഷങ്ങള്ക്കൊടുവില് 9.45ഓടെയാണ് അറസ്റ്റുണ്ടായത്.
