കൊല്ലത്ത് കൊടിക്കുന്നില് സുരേഷ് എം.പിക്കെതിരെ പോസ്റ്ററുകള്. ഡിസിസി പ്രസിഡന്റിനെ നിര്ദേശിച്ചതില് വിമര്ശിച്ചാണ് പോസ്റ്ററുകള്. കൊടിക്കുന്നിലിന് പിരിക്കാന് തറവാട് സ്വത്തല്ലെന്നും പോസ്റ്ററുകളില് പരാമര്ശമുണ്ട്. കെപിസിസി ജനറല് സെക്രട്ടറി രാജേന്ദ്രപ്രസാദിനെ ആക്ഷേപിച്ചും പോസ്റ്റര് പതിച്ചു. ചുരുക്കപ്പട്ടിക നല്കിയതിന് പിന്നാലെയാണ് പ്രതിഷേധം. 14 ഡിസിസി അധ്യക്ഷ സ്ഥാനത്തേക്കുള്ള ചുരുക്കപ്പട്ടിക ഹൈക്കമാന്ഡിന് സമര്പ്പിച്ചിട്ടും പട്ടികയെ ചൊല്ലി തര്ക്കം തീരുന്നില്ല.
കോണ്ഗ്രസ് പുന സംഘടനയുമായി ബന്ധപ്പെട്ട് രമേശ് ചെന്നിത്തല ഇന്നലെ അതൃപ്തി അറിയിച്ചിരുന്നു. ഒരുമയോടുള്ള ചര്ച്ചയുണ്ടായിരുന്നെങ്കില് കൂടുതല് മെച്ചപ്പെട്ട പട്ടിക ഉണ്ടാകുമായിരുന്നു. ഡിസിസി പ്രസിഡന്റുമാരെ രണ്ടു ദിവസത്തിനുള്ളില് പ്രഖ്യാപിക്കും. കെപിസിസി അധ്യക്ഷന് കെ സുധാകരന് നല്കിയ പട്ടികയ്ക്ക് എഐസിസി അംഗീകാരം നല്കിയതായാണ് റിപ്പോര്ട്ട്.
ഒന്പത് ജില്ലകളില് ഐ ഗ്രൂപ്പ് പ്രതിനിധികള് അധ്യക്ഷന്മാരാകും. എ ഗ്രൂപ്പിന് അഞ്ച് പ്രസിഡന്റുമാരെയാണ് ലഭിക്കുക. അതേസമയം വനിതാ ഡിസിസി പ്രസിഡന്റുമാര് പട്ടികയിലില്ല. പട്ടികയില് ഗ്രൂപ്പ് മാനദണ്ഡമായില്ലെന്നും മെറിറ്റ് മാത്രം അടിസ്ഥാനമാക്കിയാണ് പട്ടിക തയാറാക്കിയതെന്നും നേതൃത്വം വ്യക്തമാക്കി. എന്നാല് ഗ്രൂപ്പിന്റെ ഭാഗമായി പ്രവര്ത്തിച്ചവര്ക്കാണ് ഡിസിസി അധ്യക്ഷ സ്ഥാനം ലഭിക്കാന് പോകുന്നത്.
അതേസമയം തിരുവനന്തപുരം, കണ്ണൂര്, മലപ്പുറം ജില്ലകളില് ഇപ്പോഴും തര്ക്കം തുടരുകയാണ്. ഈ ജില്ലകളൊഴിച്ച് മറ്റിടങ്ങളില് പേരുകള്ക്ക് അന്തിമ തീരുമാനമായി. നാളെയോ ശനിയാഴ്ചയോ തീരുമാനങ്ങള് ഔദ്യോഗികമായി പ്രഖ്യാപിക്കുമെന്നാണ് വിവരം.
