ഡൽഹിയിൽ വീണ്ടും ഖലിസ്ഥാൻ അനുകൂല ചുവരെഴുത്തുകൾ ഡല്‍ഹിയിലെ കരോള്‍ ബാഗിലും ഝണ്ഡേവാലന്‍ മെട്രോ സ്റ്റേഷനുകളുടെ തൂണുകളിലുമാണ് ചുവരെഴുത്ത് പ്രത്യക്ഷപ്പെട്ടത്. കേസെടുത്ത ഡല്‍ഹി പൊലീസ് എഴുത്തുകള്‍ നീക്കം ചെയ്ത് എഫ്‌ഐആര്‍ രജിസ്റ്റര്‍ ചെയ്തു മെട്രോ സ്റ്റേഷനിലെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം നടത്തുന്നത്. ചുവരെഴുത്തുകൾ പൊലീസ് മായ്ച്ചു കളഞ്ഞിട്ടുണ്ട്.
നരേന്ദ്രമോദിക്കെതിരെയുള്ള വിദ്വേഷ വാചകങ്ങളാണ് എഴുത്തുകളില്‍ ഉള്ളത്. നേരത്തെ ഉത്തം നഗര്‍ ഏരിയയിലെ സര്‍ക്കാര്‍ സ്‌കൂളിന്റെ ഭിത്തിയിലും നിഹാര്‍ വിഹാറിലും ഖലിസ്ഥാനെ പിന്തുണയ്ക്കുന്ന മുദ്രാവാക്യങ്ങളും ചുവരെഴുത്തുകളും കണ്ടെത്തിയിരുന്നു.രാജ്യത്തെ 75-ാം റിപ്പബ്ലിക് ദിനത്തിലായിരുന്നു സംഭവം. ഡൽഹിയിൽ ഖലിസ്ഥാനി പതാക ഉയർത്തുമെന്ന ഖലിസ്ഥാനി നേതാവ് ഗുർപത്വന്ത് സിംഗ് പന്നൂൻ്റെ സന്ദേശമായിരുന്നു അന്ന് ചുവരെഴുത്തിലുണ്ടായിരുന്നത്.
