തിരുവനന്തപുരം വനംവകുപ്പ് അറിയാതെ വനത്തിനുള്ളിലേക്ക് സാഹസികയാത്ര നടത്തി ബോണക്കാട് വനത്തിനുള്ളില് കുടുങ്ങിയ നാലു പേരെ രക്ഷപ്പെടുത്തി. തിരുവനന്തപുരം കരിമഠം കോളനി സ്വദേശികളായ ഫെവിയോള, സിന്ധു , ദില്ഷാദ്, സൗമ്യ എന്നിവരാണ് ബോണക്കാട് വനത്തിനുള്ളില് കുടുങ്ങിയത്.
തിങ്കളാഴ്ചയാണ് നാലങ്കസംഘം വനത്തിനുള്ളില് കയറിയത്. ബോണക്കാട് വാഴ് വന്തോള് വെള്ളച്ചാട്ടം കാണാനാണ് ഇവര് പോയത്. വനത്തിനുള്ളിലേക്ക് പോകാന് വനംവകുപ്പ് അനുവദിക്കാതിരുന്നതോടെയാണ് ഇവര് സാഹസിക യാത്ര നടത്തിയത്. ഇവര് സഞ്ചരിച്ചിരുന്ന വഴി മാറിപ്പോവുകയും തിരിച്ച് വരാനുള്ള വഴി തെറ്റുകയും ചെയ്യുകയായിരുന്നു
വനത്തിനകത്ത് മൊബൈല് റേഞ്ച് ഇല്ലാതിരുന്നതിനാല് സഹായത്തിനായി ആദ്യം ആരേയും വിളിക്കാന് സാധിച്ചില്ല. പിന്നീട് റേഞ്ച് ഉള്ള സ്ഥലം കണ്ടെത്തി ഇവര് പൊലീസുമായി ബന്ധപ്പെടുകയായിരുന്നു. ഒരു രാത്രി മുഴുവന് വനത്തില് കഴിഞ്ഞ നാലങ്ക സംഘത്തെ ഇന്നലെ രാത്രി 9 മണിയോടെയാണ് വിതുര പോലീസ് എത്തി രക്ഷപ്പെടുത്തിയത്.
