കൊച്ചി: നെടുമ്പാശ്ശേരി വിമാനത്താവളത്തില്‍ വന്‍ സ്വര്‍ണവേട്ട. വിദേശത്തുനിന്നും കടത്തിക്കൊണ്ടു വന്ന ഒരു കോടിയോളം രൂപ വിലവരുന്ന സ്വര്ണമാണ് പിടികൂടിയത്. സംഭവത്തിൽ ഒരാളെ കസ്റ്റംസ് കസ്റ്റഡിയിലെടുതിട്ടുണ്ട്.
ഖത്തറില്‍ നിന്നും ഖത്തര്‍ എയര്‍വേസ് വിമാനത്തില്‍ വന്ന മലപ്പുറം സ്വദേശിയെയാണ് കസ്റ്റഡിയിൽ എടുത്തത്. ഇയാളിൽ നിന്നും 1,998 ഗ്രാം വരുന്ന സ്വര്ണമാണ് പിടികൂടിയത്.
മിക്‌സിയിലും സ്‌പീക്കറിലും കഷണങ്ങളാക്കി ഒളിപ്പിച്ചാണ് സ്വര്‍ണം കൊണ്ടുവന്നത്. കസ്റ്റഡിയില്‍ എടുത്ത യാത്രക്കാരനെ കസ്റ്റംസ് ചോദ്യം ചെയ്ത വരുകയാണ്.
