മുളന്തുരുത്തി : മുളന്തുരുത്തി പോലീസ് 10 ടിപ്പറുകളും ഒരു ജെ.സി.ബി.യും പിടികൂടി. കഴിഞ്ഞ രണ്ടു മാസങ്ങളായി മണ്ണ് ഖനനത്തിന് പാസനുവദിക്കാതിരുന്നിട്ടും മണ്ണുമായി ടിപ്പറുകള് ചീറിപ്പായുന്നത് ശ്രദ്ധയില് പെട്ടതോടെ പുത്തന്കുരിശ് ഡി.വൈ.എസ്.പി.ബി. വിജയന്റെ നിര്ദേശമുണ്ടായതോടെയാണ് മുളന്തുരുത്തി പോലീസ് ഇന്സ്പെക്ടര് മനീഷ് പൗലോസിന്റെ നേതൃത്വത്തില് നിയമവിരുദ്ധമായി മണ്ണെടുപ്പു നടത്തിയ വാഹനങ്ങള് പിടികൂടിയത്. പേപ്പതി, ആരക്കുന്നം, ചാലയ്ക്കപ്പാറ എന്നിവിടങ്ങളില് നിന്നാണ് വാഹനങ്ങള് പിടിച്ചത്.
