വീണ വിജയനും സ്വപ്ന ജോലി ചെയ്തിരുന്ന പിഡബ്ല്യുസിയുടെ ഡയറക്ടര്‍ ജയക്ക് ബാലഗോപാലും തമ്മിലുള്ള ബന്ധത്തെക്കുറിച്ച് ആദ്യമായി പുറത്തു വരുന്നതല്ല. ഇതേ കാര്യം കേരള നിയമസഭയിലെ പെരുമ്പാവൂര്‍ അംഗം എല്‍ദോസ് കുന്നപ്പിള്ളി നേരത്തെ പുറത്തു വിട്ടിട്ടുള്ളതാണ്. അന്ന് എന്തുകൊണ്ട് പിണറായി വിജയന്‍ തുള്ളിയില്ല? മാനനഷ്ടത്തിന് കേസും കൊടുത്തില്ല? ഇപ്പോള്‍ തുള്ളാന്‍ എന്താണ് കാരണം?. ചോദ്യങ്ങളുമായി വിപി സജീന്ദ്രന്‍.
സിപിഎമ്മും പിണറായി വിജയനും സ്വപ്നയെയും 164 മൊഴിയെയും ഭയക്കുന്നു. അതാണ് പിണറായി തുള്ളുവാന്‍ കാരണം. അല്ലാതെ മകളെക്കുറിച്ച് കേട്ടപ്പോള്‍ ഉണ്ടായ വികാരവിക്ഷോഭം അല്ലെന്നും വിപി സജീന്ദ്രന്‍ ഫെയ്‌സ്ബുക്കില്‍ കുറിച്ചു.
വിപി സജീന്ദ്രന്റെ ഫെയ്‌സ്ബുക്ക് പോസ്റ്റ്:
വീണ വിജയനും സ്വപ്ന ജോലി ചെയ്തിരുന്ന പിഡബ്ല്യുസിയുടെ ഡയറക്ടര്‍ ജയക്ക് ബാലഗോപാലും തമ്മിലുള്ള ബന്ധത്തെക്കുറിച്ച് ആദ്യമായി പുറത്തു വരുന്നതല്ല. ഇതേ കാര്യം കേരള നിയമസഭയിലെ പെരുമ്പാവൂര്‍ അംഗം എല്‍ദോസ് കുന്നപ്പിള്ളി നേരത്തെ പുറത്തു വിട്ടിട്ടുള്ളതാണ്. അന്ന് എന്തുകൊണ്ട് പിണറായി വിജയന്‍ തുള്ളിയില്ല ? മാനനഷ്ടത്തിന് കേസും കൊടുത്തില്ല ? ഇപ്പോള്‍ തുള്ളാന്‍ എന്താണ് കാരണം ??
എല്‍ദോസ് കുന്നപ്പിള്ളിയെ ഭയക്കാത്ത പിണറായി എന്തിന് മാത്യു കുഴല്‍നാടനെ ഭയക്കുന്നു ??
സപ്ന തുറന്നുവിട്ട ഭൂതം. അത് ചെറുതല്ല. സ്വപ്നയുടെ 164 മൊഴിക്കു ശേഷമാണ് വീണ്ടും ഈ വിഷയം ചര്‍ച്ചയ്ക്ക് വരുന്നത്. ജയക്ക് ബാലകുമാര്‍ വീണ ബന്ധത്തെക്കുറിച്ച് അന്നത്തെ പിണറായിടെയും ശിവശങ്കരന്റെയും സന്തതസഹചാരി സ്വപ്ന സുരേഷ് പല ഇന്റര്‍വ്യൂകളിലും പറഞ്ഞിട്ടുണ്ട്.
സിപിഎമ്മും പിണറായി വിജയനും സ്വപ്നയെയും 164 മൊഴിയെയും ഭയക്കുന്നു. അതാണ് പിണറായി തുള്ളുവാന്‍ കാരണം. അല്ലാതെ മകളെക്കുറിച്ച് കേട്ടപ്പോള്‍ ഉണ്ടായ വികാരവിക്ഷോഭം അല്ല. സഖാക്കളുടെ അമേരിക്കന്‍ ബന്ധത്തെക്കുറിച്ച് പുറത്തുവരും എന്നുള്ള പേടിയാണ് പിണറായിയുടെ തുള്ളലിന്റെ അടിസ്ഥാനം.
മാത്യു കുഴല്‍നാടന്‍ പുതുതായി ഒന്നും പറഞ്ഞില്ല എല്ലാം വീണ വിജയന്‍ നേരത്തെ പറഞ്ഞിട്ടുണ്ട് എന്ന് കൈരളി ഇന്നലെ വീണ വിജയന്റെ വീഡിയോ സഹിതം പറഞ്ഞു വച്ചു. അപ്പോള്‍ കാര്യങ്ങള്‍ വളരെ വ്യക്തമല്ലേ ?? ഭയം ഉള്ളില്‍ കയറിയിരിക്കുന്നു. ആ ഭയം ആരെയാണ് മാത്യു കുഴല്‍നാടനെ ആണോ അല്ല. സ്വപ്നയാണ് ഭയക്കുന്നത്.
മാത്യു തെളിവുകള്‍ പുറത്തുവിടും എന്ന് പറഞ്ഞു. കേട്ട ഉടനെ ഇവര്‍ എന്തിന് ചാടി രംഗത്ത് വരണം ?? എന്തിനാണ് ഈ വെപ്രാളം ? സ്വപ്നയുടെ 164 മൊഴിക്ക് ശേഷം സഖാക്കളുടെ ഭാഗത്തുനിന്നും സര്‍ക്കാരിന്റെ ഭാഗത്തുനിന്നും എല്ലാം കാണിക്കുന്ന ഈ എടുത്തുചാട്ടവും വെപ്രാളവും എന്തിന്? മടിയില്‍ കനം ഇല്ലെങ്കില്‍ പിന്നെ എന്തിന് വെപ്രാളം ??
വീണ വിജയന്‍ താനും ജയക്ക് ബാലഗോപാലും തമ്മില്‍ ഉള്ള ബന്ധത്തെക്കുറിച്ച് വളരെ വ്യക്തമായി ആ ഇന്റര്‍വ്യൂവില്‍ പറയുന്നുണ്ട്. അപ്പോള്‍ ഒരു ബന്ധവുമില്ല എന്ന് പിണറായി വിജയന്‍ ആക്രോശിച്ചത് ശരിയായില്ല, അത് നുണയാണ്. അത് സഖാക്കളും സമ്മതിക്കുകയാണ്.
മക്കള്‍ക്ക് ആരെല്ലാം ആയി ബന്ധമുണ്ട് എന്ന് അച്ചന് അറിയില്ലെങ്കില്‍ ഇങ്ങനെ തന്നെ സംഭവിക്കും.
ഉത്തരം കയ്യിലില്ലാത്ത ചോദ്യം വന്നപ്പോള്‍ പിണറായി നിയമസഭയില്‍ പതറി തുള്ളിക്കളിച്ചു. ആ പഴയ സ്വഭാവം കാണിച്ചു.
ഈ അമിതാവേശവും വെപ്രാളവും ആണ് ഇപ്പോള്‍ കൂടുതല്‍ കുരുക്കിലേക്ക് വഴിവച്ചത്.
പിണറായി മാത്യൂ കുഴല്‍നാടനെ വിരട്ടി നോക്കി. പക്ഷേ കൈരളിക്കും സഖാക്കള്‍ക്കും അപകടം മനസ്സിലായി. മാത്യു പുറത്തുവിടാന്‍ പോകുന്ന തെളിവുകളില്‍ നിന്ന് സഖാക്കള്‍ കൂട്ടത്തോടെ മുന്‍കൂര്‍ ജാമ്യത്തിനു ശ്രമിക്കുന്നു. അതാണ് ഇവിടെ കാണുന്നത്.
പക്ഷേ പിണറായി നിങ്ങള്‍ പേടിപ്പിക്കാന്‍ പോയ ആളു മാറിപ്പോയി. മാത്യു പേടിക്കുന്നവനല്ല. കോണ്‍ഗ്രസ് പഴയ കോണ്‍ഗ്രസ് അല്ല എന്ന് ഇപി ജയരാജന്‍ വരെ മനസ്സിലാക്കി. എന്തേ പിണറായിക്ക് ഇനിയും മനസ്സിലായില്ല?.
