കേരള കോണ്ഗ്രസ് ബി. ചെയര്മാനും മുന് മന്ത്രിയുമായ ആര് ബാലകൃഷ്ണപിള്ളയുടെ നില അതീവ ഗുരുതരം. ആരോഗ്യ സ്ഥിതി വഷളായതിനെ തുടര്ന്ന് വെന്റിലേറ്ററില് പ്രവേശിപ്പിച്ചു. കൊട്ടാരക്കര വിജയാസ് ആശുപത്രിയിലാണ് ഇപ്പോള് ചികിത്സയിലുള്ളത്.
ഇന്നലെയാണ് ബാലകൃഷ്ണപിള്ളയെ അസുഖം രൂക്ഷമായതിനെ തുടര്ന്ന് ആശുപത്രിയിലേക്ക് മാറ്റിയത്. ശ്വാസ തടസം ആണ് പ്രധാന പ്രശ്നം. വാര്ധക്യ സഹജമായ അസുഖങ്ങളെ തുടര്ന്ന് ഏറെ നാളുകളായി ചികിത്സയിലും വിശ്രമത്തിലുമാണ് ബാലകൃഷ്ണപിള്ള.
മുന്നോക്ക ക്ഷേമ കോര്പറേഷന് ചെയര്മാന് ആയ ബാലകൃഷ്ണപിള്ളയ്ക്ക് ഒരു മാസം മുന്പും ആരോഗ്യനില വഷളായിരുന്നു. എന്നാല് പിന്നീട് വീട്ടില് തിരിച്ചെത്തി രാഷ്ട്രീയ ചര്ച്ചകളില് വരെ പങ്കെടുത്തിരുന്നു.
