കുന്നംകുളം പന്നിത്തടത്ത് അമ്മയേയും രണ്ട് മക്കളേയും വീടിനുള്ളില് മരിച്ച നിലയില് കണ്ടെത്തി. കത്തിക്കരിഞ്ഞ നിലയിലായിരുന്നു മൃതദേഹങ്ങള്. കുന്നംകുളം പന്നിത്തടം ചെറുമാനം സ്വദേശി ഷഫീന, മക്കളായ അജുവ(3), അമന്(ഒന്നര) എന്നിവരാണ് മരിച്ചത്.
രാവിലെയാണ് വീടിന്റെ രണ്ടാം നിലയില് മൃതദേഹങ്ങള് കണ്ടെത്തിയത്. പുലര്ച്ചെ നടക്കാനിറങ്ങിയവരാണ് മുകള് നിലയില് നിന്ന് പുക ഉയരുന്നത് കാണുന്നത്. സംഭവം നടക്കുമ്പോള് ഷെഫീനയുടെ ഭര്ത്താവിന്റെ അമ്മ മാത്രമാണ് വീട്ടിലുണ്ടായിരുന്നത്.
ഷഫീനയുടെ ഭര്ത്താവ് വിദേശത്താണ്. പൊലീസ് സ്ഥലത്തെത്തി അന്വേഷണം ആരംഭിച്ചു. ആത്മഹത്യയാണെന്നാണ് പ്രാഥമിക നിഗമനം.
