ദേശീയ അന്വേഷണ ഏജന്സിക്ക് കൂടുതല് അധികാരം നല്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. 2024 ഓടെ എല്ലാ സംസ്ഥാനങ്ങളിലും എന്ഐഎ ബ്രാഞ്ചുകള് തുടങ്ങുമെന്ന് അദ്ദേഹം പറഞ്ഞു. സംസ്ഥാന ആഭ്യന്തര മന്ത്രിമാരുടെ യോഗത്തില് സംസാരിക്കുകയായിരുന്നു അദ്ദേഹം.
കേന്ദ്ര സേനയുടെയും സംസ്ഥാന പൊലീസിന്റെയും സംയുക്ത നീക്കങ്ങള് ഉറപ്പുവരുത്താന് കൂടുതല് നടപടികളുണ്ടാവും. ലഹരി ഇടപാടുകള്, സൈബര് കുറ്റകൃത്യങ്ങള് തുടങ്ങിയവ തടയാനുള്ള നടപടികളാണ് യോഗത്തില് പ്രധാനമായും ചര്ച്ച ചെയ്യുന്നത്. സിആര്പിസി, ഐപിസി നിയമങ്ങള് കൂടുതല് ശക്തിപ്പെടുത്താന് നടപടിയുണ്ടാവുമെന്നും അമിത് ഷാ പറഞ്ഞു.
പ്രധാനമന്ത്രി നരേന്ദ്ര മോദി നാളെ വെര്ച്വലായി യോഗത്തെ അഭിസംബോധന ചെയ്യും. മുഖ്യമന്ത്രി പിണറായി വിജയന് അടക്കമുള്ളവര് യോഗത്തില് പങ്കെടുക്കുന്നുണ്ട്. പശ്ചിമ ബംഗാള് മുഖ്യമന്ത്രി മമതാ ബാനര്ജി യോഗത്തില് പങ്കെടുക്കുന്നില്ല.
