സിപിഐഎം ജില്ലാ കമ്മിറ്റി ഓഫിസിനു നേരെയുണ്ടായ ആക്രമണത്തില് ആഭ്യന്തര വകുപ്പിനെതിരെ രൂക്ഷ വിമര്ശനവുമായി കേന്ദ്രമന്ത്രി വി. മുരളീധരന്. കേരളത്തില് തുടരെ തുടരെ ആക്രമണം ഉണ്ടാകുന്നു. ഇത് എന്തിനാണ് ആരുടെ എങ്കിലും തലയില് കെട്ടിവയ്ക്കുന്നതെന്ന് കേന്ദ്രമന്ത്രി ചോദിച്ചു.
ആഭ്യന്തര വകുപ്പ് പരാജയം ആണ്. സ്വന്തം പരാജയം മറയ്ക്കാന് ആണ് മറ്റുള്ളവരെ പഴിചാരുന്നത്. ഭരണപക്ഷവും പ്രതിപക്ഷവും ഭീകരവാദികളുമായി സന്ധി ചെയ്യുന്നുവെന്നും കേന്ദ്രമന്ത്രി വി മുരളീധരന് കുറ്റപ്പെടുത്തി.
അതിന് തെളിവാണ് ആലപ്പുഴയില് പോപ്പുലര് ഫ്രണ്ട് പരിപാടിയില് ചീഫ് വിപ്പും, കോണ്ഗ്രസ് പഞ്ചായത്ത് പ്രസിഡന്റും പങ്കെടുത്തത്. അച്യുതാനന്ദന്റെ കാലത്ത് പോപ്പുലര് ഫ്രണ്ട് പരിപാടികള്ക്ക് പോലും അനുമതി നല്കിയിരുന്നില്ല. എന്നാല് ഇപ്പോള് സിപിഐഎമ്മും കോണ്ഗ്രസും തീവ്രവാദ സംഘടനയെ വെള്ളപൂശുകയാണെന്നും കേന്ദ്രമന്ത്രി പറഞ്ഞു.
