ഡ്രോണ്‍ ഡെവലപ്‌മെന്റ് ഹാക്കത്തോണ്‍- ‘ഡ്രോണ്‍ കെപി 2021’ ന്റെ വെബ്‌സൈറ്റ് ലോഞ്ചും, ഹാക്കത്തോണിന്റെ രജിസ്ട്രേഷന് കിക്കോഫും സംസ്ഥാന പോലീസ് മേധാവി അനില്‍ കാന്ത് ഐപിഎസ്സ് നിര്‍വഹിച്ചു. പോലീസ് ആസ്ഥാനത്തുവച്ച് നടന്ന ചടങ്ങില്‍ ഹെഡ് ക്വാര്‍ട്ടര്‍ എഡിജിപിയും സൈബര്‍ഡോം നോഡല്‍ ഓഫീസറുമായ മനോജ് എബ്രഹാം ഐപിഎസ്സ്, ഡിഐജി എപി ബറ്റാലിയന്‍ പി പ്രകാശ് ഐപിഎസ്സ് എന്നിവര്‍ സന്നിഹിതരായിരുന്നു.
കേരള പോലീസിനായി ഡ്രോണ്‍ ഉപയോഗിച്ചുള്ള വിവിധ തരം ആവശ്യങ്ങള്‍ നിര്‍വഹിക്കുന്ന രീതിയില്‍ ഡ്രോണ്‍ ശേഷി വര്‍ദ്ധിപ്പിക്കുന്നതിനായാണ് കേരളാ പോലീസ് ഡ്രോണ്‍ ഫോറന്‍സിക് ലാബിന്റെ നേതൃത്വത്തില്‍ ‘ഡ്രോണ്‍ കെപി 2021’ സംഘടിപ്പിക്കുന്നത്.
പോലീസ് സേനയുടെ ഡ്രോണ്‍ ഡെവലപ്‌മെന്റ് ശേഷി വര്‍ധിപ്പിക്കുന്നതിനും, വിവിധ സേവനങ്ങള്‍ക്കായുള്ള ഡ്രോണുകളുടെ നിര്‍മാണവും, ഡ്രോണ്‍ ഫോറന്‍സിക്‌സില്‍ നൂതന സാങ്കേതിക വിദ്യയുടെ ഉപയോഗം, ആന്റി ഡ്രോണ്‍ സിസ്റ്റം ഡെവലപ്‌മെന്റ് എന്നിവ മത്സര ഇനങ്ങളായിട്ടുള്ള ഹാക്കത്തോണില്‍ ഈ മേഖലയില്‍ റിസര്‍ച്ച് ചെയ്യുന്ന ടെക്‌നിക്കല്‍ ഓര്‍ഗനൈസേഷന്‍സ്, വിദ്യാര്‍ഥികള്‍, ഡ്രോണ്‍ ഡെവലപ്‌മെന്റില്‍
താല്പര്യമുള്ള വ്യക്തികള്‍, സ്ഥാപനങ്ങള്‍ എന്നിവര്‍ക്ക് മത്സരാര്‍ത്ഥികളായി പങ്കെടുക്കാവുന്നതാണ്.
അപേക്ഷകള്‍ സ്വീകരിക്കുന്ന അവസാന തീയതി 20 നവംബര്‍ 2021. കൂടുതല്‍ വിവരങ്ങള്‍ക്കും രജിസ്‌ട്രേഷനുമായി ഡ്രോണ്‍ കെപി വെബ്‌സൈറ്റ് സന്ദര്‍ശിക്കുക: https://drone.cyberdome.kerala.gov.in
