മന്ത്രിയുടെ സ്റ്റാഫംഗം പൊതുജനങ്ങളോട് സഭ്യമല്ലാത്ത രീതിയില് സംസാരിക്കുന്ന വിവാദ ശബ്ദ രേഖയ്ക്ക് പിന്നാലെ സ്റ്റാഫംഗത്തിനെതിരെ നടപടി ആവശ്യപ്പെട്ട് മുഖ്യമന്ത്രിക്ക് പരാതി. കഴിഞ്ഞ ദിവസമാണ് വനം വകുപ്പ് മന്ത്രിയുടെ സ്റ്റാഫംഗം ബിജു ആബേല് ജേക്കബ് പൊതുജനങ്ങളോട് സഭ്യമല്ലാത്ത രീതിയില് സംസാരിക്കുന്ന ശബ്ദരേഖ പുറത്ത് വന്നത്. തന്റെ അധികാര സ്ഥാനങ്ങള് ഉപയോഗിച്ച് ഇയാള് മറ്റൊരു പൊതുപ്രവര്ത്തകനെ ഭീഷണിപ്പെടുത്തുന്നതും ശബ്ദ രേഖയില് വ്യക്തമാണ്.
മുഖ്യമന്ത്രിയുടെ നിര്ദേശ പ്രകാരം മന്ത്രിമാരും സ്റ്റാഫ് അംഗങ്ങളും പൊതുജനങ്ങളോട് എങ്ങനെ പെരുമാറണം എന്നുള്ള സര്ക്കുലര് പുറത്തിറക്കി തൊട്ട് പിന്നാലെയാണ് ഇതിന് വിപരീതമായി മന്ത്രിയുടെ സ്റ്റാഫംഗം ബിജു ആബേല് ജേക്കബ് സഭ്യമല്ലാത്ത രീതിയില് സംസാരിക്കുന്ന ശബ്ദരേഖ പുറത്ത് വന്നത്.
വനം വകുപ്പ് മന്ത്രിയുടെ സ്റ്റാഫംഗവും എന്സിപിയുടെ സംസ്ഥാന സെക്രട്ടറിയുമാണ് ബിജു ആബേല് ജേക്കബ്. ഈ മാസം ഇരുപതിനാണ് വിവാദ ശബ്ദ രേഖയ്ക്ക് ആസ്പതമായ സംഭവം ഉണ്ടായത്. തന്നെക്കാള് പ്രായം കൊണ്ട് മുതിര്ന്നതും പൊതുപ്രവര്ത്തകനുമായ ബേബി കിരീടത്തില് എന്ന വ്യക്തിയോടാണ് ബിജു ആബേല് തീര്ത്തും സഭ്യമല്ലാത്ത രീതിയില് സംസാരിക്കുകയും അധികാരത്തിന്റെ ദാര്ഷ്ട്യം ഉപയോഗിച്ച് ഭീഷണിപ്പെടുത്തുകയും ചെയ്തത്.
സംഭവത്തില് നടപടി ആവശ്യപ്പെട്ട് ബേബി കിരീടത്തില് മുഖ്യമന്ത്രിക്ക് പരാതി നല്കി. ബിജു ആബേല് കോണ്ഗ്രസ് ഐയുടെ ജില്ലാ സെക്രട്ടറിയായി പ്രവര്ത്തിക്കുകയും പലവിധ ആരോപണങ്ങള് നേരിട്ട വ്യക്തിയുമാണെന്ന് ബേബി പരാതിയില് ചൂണ്ടികാട്ടിയിട്ടുണ്ട്.
ഇത്തരം പ്രവര്ത്തനങ്ങളുമായി മുന്നോട്ട് പോകുന്ന ബിജു തല്സ്ഥാനത്ത് തുടരുന്നതിനെക്കുറിച്ച് ഉചിതവും സ്വത്വരവുമായ അന്വേഷണം നടത്തണമെന്ന് ബേബി മുഖ്യമന്ത്രിക്ക് നല്കിയ പരാതിയില് പറയുന്നു.
അതേസമയം സംഭവത്തെക്കറുച്ച് അറിയില്ലെന്നും തന്റെ ശ്രദ്ധയില് വിഷയം വന്നിട്ടില്ലെന്നും പി.സി. ചാക്കോ രാഷ്ട്രദീപത്തോട് പ്രതികരിച്ചു. എന്സിപി സംസ്ഥാന പ്രസിഡന്റ് പി.സി. ചാക്കോയുടെ സന്തത സഹചാരി കൂടിയായ ബിജു ആബേലിന്റെ വിവാദ ശബ്ദരേഖ സമൂഹ മാധ്യമങ്ങളില് വൈറലാകുകയാണ്.
പൊതുജനങ്ങളോട് എങ്ങനെ പെരുമാറണം എന്നുള്ള സര്ക്കുലര് പുറത്തിറക്കി തൊട്ട് പിന്നാലെയുള്ള മന്ത്രിയുടെ സ്റ്റാഫംഗത്തിന്റെ വിപരീത പ്രവര്ത്തിയില് മുഖ്യമന്ത്രിയുടെ സമീപനമെന്തെന്ന് കാത്തിരിക്കുകയാണ് പൊതുജനം.
ശബ്ദേരേഖ കേള്ക്കാനായി ഇവിടെ ക്ലിക്ക് ചെയ്യുക⇓