എല്ദോസ് കുന്നപ്പിള്ളില് എംഎല്എക്കെതിരെ നടപടിയെടുക്കുമെന്ന് കെപിസിസി അധ്യക്ഷന് കെ സുധാകരന്. എല്ദോസ് വിശദീകരണം നല്കിയത് അഭിഭാഷകന് മുഖേനെയാണ്. അദ്ദേഹം നേരിട്ട് മറുപടി നല്കാത്തത് കുറ്റകരമാണ്. എംഎല്എയുടെ ഭാഗത്ത് തെറ്റുണ്ടെന്നാണ് പ്രാഥമിക വിലയിരുത്തല്. എംഎല്എയുടെ മറുപടി വായിക്കാന് കഴിഞ്ഞിട്ടില്ലെന്നും പരിശോധിച്ച്, മുതിര്ന്ന നേതാക്കളുമായി ആലോചിച്ച ശേഷം തുടര് നടപടി സ്വീകരിക്കുമെന്ന് സുധാകരന് മാധ്യമങ്ങളോട് പറഞ്ഞു.
എല്ദോസിന്റെ നടപടി ന്യായീകരിക്കുന്നില്ല. എല്ദോസിന്റെ നടപടി പാര്ട്ടിക്ക് നാണക്കേട് ഉണ്ടാക്കിയെന്നത് സത്യമാണ്. പാര്ട്ടിക്ക് ക്ഷീണമായി. വിശദീകരണം പരിശോധിച്ച് ശേഷം പ്രതിപക്ഷ നേതാവ് ഉള്പ്പെടെയുള്ളവരുമായി ചര്ച്ച ചെയ്ത് നടപടി ഉണ്ടാകും. കോടതി എന്ത് നിലപാട് സ്വീകരിച്ചാലും പാര്ട്ടി നടപടിയുണ്ടാകുമെന്നും സുധാകരന് വ്യക്തമാക്കി.
അതേസമയം, ബലാത്സംഗക്കേസില് എല്ദോസ് കുന്നപ്പള്ളില് എംഎല്എയുടെ മുന്കൂര് ജാമ്യാപേക്ഷയില് ഉച്ചയ്ക്ക് ശേഷം കോടതി വിധി പറയും. അപേക്ഷയില് ഉച്ചയ്ക്ക് മൂന്ന് മണിക്കാണ് കോടതി വിധി പറയുക. എംഎല്എക്കെതിരെ ചുമത്തിയ വധശ്രമം ഉള്പ്പടെ പുതിയ വകുപ്പുകളുടെ വിശദ വിവരം പൊലീസ് കോടതിയില് സമര്പ്പിച്ചു. ഇത് കൂടി പരിശോധിച്ച ശേഷമാകും വിധി.
