തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് നല്കിയത് ചോദ്യം ചെയ്ത് സര്ക്കാര് നല്കിയ ഹര്ജി ഹൈക്കോടതി തള്ളി. ജസ്റ്റിസ് വിനോദ് ചന്ദ്രന്, ജസ്റ്റിസ് സിഎസ് ഡയസ് എന്നിവര് ഉള്പ്പെട്ട ഡിവിഷന് ബെഞ്ചിന്റേതാണ് ഉത്തരവ്. സംസ്ഥാന സര്ക്കാരാണ് ഹൈക്കോടതിയെ സമീപിച്ചത്.
സംസ്ഥാന സര്ക്കാരിനെ മറികടന്ന് അദാനി ഗ്രൂപ്പിന് കരാര് നല്കിയതില് ക്രമക്കേട് ഉണ്ടെന്നായിരുന്നു സര്ക്കാര് വാദം. ലേല നടപടികള് സുതാര്യമല്ലെന്നും സര്ക്കാര് ആരോപിച്ചു. ലേല നടപടികള് അദാനിക്ക് വേണ്ടി ടൈലര് മെയ്ഡ് ആണെന്ന സര്ക്കാര് വാദവും കോടതി തള്ളി. എന്നാല് കേരളത്തിന്റെ ആരോപണങ്ങളില് കഴമ്പില്ലെന്നാണ് കേന്ദ്ര നിലപാട്. ലേലത്തില് പങ്കെടുക്കാന് പ്രത്യേക ഇളവുകളോടെ കേരളത്തിന് അനുമതി നല്കിയിരുന്നു.
എന്നാല് ലേലത്തില് പരാജയപ്പെട്ട ശേഷം ഇത്തരം ഒരു ഹര്ജിയുമായി കോടതിയെ സമീപിക്കാന് കേരളത്തിന് അര്ഹത ഇല്ല. വിശാലമായ പൊതു താല്പര്യം മുന് നിര്ത്തി ആണ് വിമാനത്താവളങ്ങള് പാട്ടത്തിനു നല്കുന്നതെന്നും കേന്ദ്ര സര്ക്കാര് കോടതിയെ അറിയിച്ചിരുന്നു.
രാഷ്ട്രീയമായും നിയമപരമായും സംസ്ഥാന സര്ക്കാര് ഉയര്ത്തിയ കടുത്ത എതിര്പ്പുകളെ മറികടന്നാണ് തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് നല്കാന് തീരുമാനമായത്. രണ്ട് വര്ഷം മുന്പാണ് വിമാനത്താവള സ്വകാര്യവല്ക്കരണത്തിന് നീക്കം തുടങ്ങുന്നത്. 2019 ഫെബ്രുവരിയില് നടത്തിയ ടെന്ഡറില് അദാനിയാണ് മുന്നിലെത്തിയത്. സര്ക്കാരിന് വേണ്ടി പങ്കെടുത്ത കെഎസ്ഐഡിസി രണ്ടാമതായി.
അദാനിയെ ഏപിക്കുന്നതിനെതിരെ ശക്തമായ നിലപാടെടുത്ത മുഖ്യമന്ത്രി പ്രധാനമന്ത്രിയെ നേരിട്ട് കണ്ട് തീരുമാനത്തില് നിന്ന് പിന്വാങ്ങണമെന്നടക്കം ആവശ്യമുന്നയിച്ചിരുന്നു. വിമാനത്താവളസ്വകാര്യവല്ക്കരണത്തില് കോണ്ഗ്രസിനുള്ളിലും രണ്ട് അഭിപ്രായമുയര്ന്നിരുന്നു.
