കാസര്‍കോട്: ജില്ലയിലെ ഏറ്റവും പ്രായം കൂടിയ 111 വയസുകാരി കുപ്പച്ചിയമ്മയ വീട്ടില്‍ വോട്ട് ചെയ്തു. വെള്ളിക്കോത്ത് സ്വദേശിയായ കുപ്പച്ചിയമ്മയുടെ വീട്ടില്‍ പോളിംഗ് ഉദ്യോഗസ്ഥരോടൊപ്പം ജില്ല കലക്ടര്‍ കെ. ഇമ്പശേഖറും എത്തിചേര്‍ന്നു. അദ്ധേഹത്തിന്റെ സാന്നിധ്യത്തിലാണ് വോട്ടെടുപ്പ് നടന്നത്.
നാളിതുവരെ കുപ്പച്ചിയമ്മ വോട്ട് മുടക്കിയിട്ടില്ല. തിരഞ്ഞെടുപ്പ് കമ്മിഷന്റെ പുതിയ തീരുമാനപ്രകാരം ഇത്തവണ വീട്ടില്‍ തന്നെ വോട്ട് ചെയ്യാനുള്ള അവസരം ലഭിച്ചതിന്റെ സന്തോഷത്തിലാണ് കുപ്പച്ചിയമ്മ. വെള്ളിക്കോത്ത് സ്‌കൂളിലെ 20ാം നമ്പര്‍ ബൂത്തിലെ വോട്ടറാണ് കുപ്പച്ചിയമ്മ. കന്നി വോട്ട് മുതല്‍ ഇതേ സ്‌കൂളിലെത്തിയാണ് വോട്ട് ചെയ്തത് .
