കൊവിഡ് വ്യാപന പശ്ചാത്തലത്തില് കോഴിക്കോട് കൂടുതല് നിയന്ത്രണങ്ങള് ഏര്പ്പെടുത്തി ജില്ലാ ഭരണകൂടം. പൊതുയോഗങ്ങള് പാടില്ലെന്നും ബസുകളില് നിന്ന് യാത്ര ചെയ്യാന് അനുവദിക്കില്ലെന്നും ജില്ലാ ഭരണകൂടം അറിയിച്ചു. പൊതു ഇടങ്ങളില് ആള്ക്കൂട്ടം അനുവദിക്കില്ല. ബീച്ചില് നിയന്ത്രണം നടപ്പിലാക്കുമെന്നും ആവശ്യമെങ്കില് സമയം ക്രമീകരിക്കുമെന്നും ജില്ലാ കളക്ടര് അറിയിച്ചു. പരിശോധന ശക്തമാക്കാന് മോട്ടോര് വാഹന വകുപ്പിനോട് ആവശ്യപ്പെടും. പരിശോധനയ്ക്കായി കൂടുതല് സെക്ടറല് മജിസ്ട്രേറ്റുമാരെ നിയോഗിക്കുമെന്നും ജില്ലാ ഭരണകൂടം അറിയിച്ചു.
കഴിഞ്ഞ ദിവസം ടിപിആര് 30 ശതമാനം കടന്ന പശ്ചാത്തലത്തില് ജില്ലയില് പൊതുയോഗങ്ങള് അനുവദിക്കില്ലെന്ന് അറിയിച്ചത്. ഇന്നലെ 1643 പേര്ക്കാണ് കോവിഡ് സ്ഥിരീകരിച്ചത്. നിലവില് തിരുവനന്തപുരം, എറണാകുളം, കോഴിക്കോട് ജില്ലകളിലാണ് കോവിഡ് അതിതീവ്ര വ്യാപനമുള്ളത്.
ആള്ക്കൂട്ട നിയന്ത്രണം കര്ശനമാക്കുന്നതിനായി കൂടുതല് സെക്ട്രല് മജിസ്ട്രേറ്റുമാരെ നിയോഗിക്കാന് നിര്ദ്ദേശം നല്കിയിട്ടുണ്ട്. സംസ്ഥാനത്ത് ബുധനാഴ്ച്ച മുതല് സ്കൂളിലെത്തി കുട്ടികള്ക്ക് വാക്സിന് നല്കുമെന്ന് ആരോഗ്യ മന്ത്രി അറിയിച്ചു.സ്കൂളുകളിലെ വാക്സിനേഷന് സംബന്ധിച്ച മാര്ഗനിര്ദ്ദേശങ്ങള് ആരോഗ്യ വകുപ്പ് പുറത്തിറക്കിയിട്ടുണ്ട്.
അതേസമയം സംസ്ഥാനത്തെ കൊവിഡ്, ഓമിക്രോണ് വ്യാപന സാഹചര്യത്തില് പൊന്മുടിയില് നാളെ മുതല് സന്ദര്ശകര്ക്ക് പ്രവേശനം അനുവദിക്കില്ലെന്ന് തിരുവനന്തപുരം ജില്ലാ കളക്ടര്. ഓണ്ലൈന് ബുക്കിംഗ് ചെയ്തവര്ക്ക് തുക തിരികെ നല്കുന്നതിനുള്ള സംവിധാനം ഏര്പ്പെടുത്തിയിട്ടുണ്ട്. കൂടുതല് വിവരങ്ങള്ക്ക് 8547601005 എന്ന ഫോണ് നമ്പറില് ബന്ധപ്പെടാം.
സമാന നിയന്ത്രണം അഗസ്ത്യാര്കൂടം ട്രക്കിംഗിനും ഏര്പ്പെടുത്തി. നാളെ മുതല് അടുത്ത മാസം 26 വരെയാണ് നിയന്ത്രണം. 02.2022 വരെ ഓണ്ലൈനായി ബുക്ക് ചെയ്തിരുന്ന എല്ലാ ബുക്കിംഗും ക്യാന്സല് ചെയ്തിട്ടുണ്ട്. ഓരോ ദിവസത്തെയും ഓണ്ലൈന് ബുക്കിംഗ് ചെയ്തവര്ക്ക് തുക തിരികെ നല്കുന്നതിനുള്ള സംവിധാനം ഏര്പ്പെടുത്തിയിട്ടുണ്ട്. ഓഫ് ലൈന് ബുക്കിംഗ് ഉണ്ടായിരിക്കുന്നതല്ല. പുതുതായി ഓണ്ലൈന് ബുക്കിംഗ് തുടങ്ങുന്ന തിയതിയും സമയവും പിന്നീട് അറിയിക്കുന്നതാണ്.
