പറയാന് മനസില്ലന്നു മന്ത്രി ജലീല്. മാധ്യമങ്ങള് കല്ലുവെച്ച നുണകളും കെട്ടുകഥകളും പ്രചരിപ്പിക്കുകയാണ്, അവര്ക്ക് മനസാക്ഷിയില്ല. അങ്ങാടിയില് തോറ്റതിന് അമ്മയോട് പകതീര്ക്കുന്നവര് എക്കാലത്തുമുണ്ടായിട്ടുണ്ട്. ഇപ്പോഴും അത് തുടരുകയാണന്നും മന്ത്രി ഫെയ്സ്ബുക്ക് പ്രതീകരണത്തില് പറയുന്നു. മറച്ചുവെക്കേണ്ടത് മറച്ചു വെച്ചും പറയേണ്ടത് പറയേണ്ടവരോട് പറഞ്ഞുമാണ് എല്ലാ ധര്മ്മയുദ്ധങ്ങളും വിജയിച്ചിട്ടുള്ളതെന്നും കെ.ടി ജലീല് ഫേസ്ബുക്കില് കുറിച്ചു. അങ്ങാടിയില് തോററതിന് അമ്മയോട് എന്ന പേരിലിറക്കിയ കുറിപ്പില് മാധ്യമപ്രവര്ത്തകര്ക്ക് രൂക്ഷ വിമര്ശനവും. സ്വംയം ധര്മ്മയുദ്ദ പോരാളി പരിവേഷം വരുത്താന് ശ്രമിച്ചുമുള്ള് പോസ്റ്റില് വീട്ടില് ആളുകളുടെ പരാതികളും നിവേദനങ്ങളും പരിശോധിക്കുന്നതിന്റെ ചിത്രങ്ങളും പോസ്റ്റ് ചെയ്തിട്ടുണ്ട്.
വിദേശകാര്യ മന്ത്രാലയത്തിന്റെ അനുമതിയില്ലാതെ യു.എ.ഇ കോണ്സുലേറ്റില് നിന്ന് മതഗ്രന്ഥങ്ങളും മറ്റും എത്തിച്ച സംഭവത്തിലാണ് എന്ഫോഴ്സ്മെന്റ് ഡയറക്ടറേറ്റ് വിളിച്ചു വരുത്തി കെ.ടി ജലീലിനെ ചോദ്യം ചെയ്തത്. മതഗ്രന്ഥങ്ങള് എന്ന പേരില് സ്വര്ണം കടത്തിയിരുന്നോ, സ്വപ്നയുമായുള്ള പരിചയം എന്നതുള്പ്പെടെയുളള കാര്യങ്ങളാണ് എന്ഫോഴ്സ്മെന്റ് ചോദിച്ചത്.
മന്ത്രി കെ.ടി ജലീലിന്റെ ഫേസ്ബുക്ക് കുറിപ്പ്:
കല്ലുവെച്ച നുണകളും കെട്ടുകഥകളും യാതൊരു മനസ്സാക്ഷിക്കുത്തുമില്ലാതെ ഓരോ ദിവസവും വിളമ്പുന്നവരോട് കാര്യങ്ങളുടെ നിജസ്ഥിതി വെളിപ്പെടുത്താന് എനിക്കു മനസ്സില്ല. മറച്ചുവെക്കേണ്ടത് മറച്ചു വെച്ചും പറയേണ്ടത് പറയേണ്ടവരോട് പറഞ്ഞുമാണ് എല്ലാ ധര്മ്മയുദ്ധങ്ങളും വിജയിച്ചിട്ടുള്ളത്. എഴുതേണ്ടവര്ക്ക് ഇല്ലാ കഥകള് എഴുതാം. പറയേണ്ടവര്ക്ക് അപവാദങ്ങള് പ്രചരിപ്പിക്കാം. അതുകൊണ്ടൊന്നും പകലിനെ ഇരുട്ടാക്കാനാവില്ല കൂട്ടരേ.
ഞങ്ങളറിയാതെ ഇവിടെ ഒരു ഈച്ച പാറില്ല എന്ന് അഹങ്കരിച്ചവരുടെ തലക്കേറ്റ പ്രഹരത്തിന്റ ആഘാതം അവര്ക്ക് ജീവനുള്ളേടത്തോളം മറക്കാനാവില്ല. പല വാര്ത്താ മാധ്യമങ്ങളും നല്കുന്ന വാര്ത്തകളുടെ പൊള്ളത്തരം ജനങ്ങളെ ബോധ്യപ്പെടുത്തലായിരുന്നു ലക്ഷ്യം. അത് നടന്നു. അത് നടത്തി. അങ്ങാടിയില് തോറ്റതിന് അമ്മയോട് പകതീര്ക്കുന്നവര് എക്കാലത്തുമുണ്ടായിട്ടുണ്ട്. ഇപ്പോഴും അത് തുടരുന്നു.
അങ്ങാടിയിൽ തോററതിന് അമ്മയോട്———————————————————————–കല്ലുവെച്ച നുണകളും…
Posted by Dr KT Jaleel on Saturday, September 12, 2020
